Forsan le population in Tärnsjö, al nordoccidente
de Uppsala, pote suspirar de allevamento. Le causa
es le plaga del culices. Le basse parte del fluvio
Dalälven cata anno inunda le circumjacente pratos,
lo que crea un excellente incubatorio pro le
larvas del culices.

Isto duce a un situation ubi le population local
non pote sortir del casas.
"Quando ego pende mi lavatura a siccar se il ha in
le fraction de un secunda vinti culices sur mi
mano!" diceva un femina in un intervista al Radio
National de Svedia.

Le medio de combatter le culices es le parve
Bacillo Thuringiense Israelense. Iste thuringiense
israeliano se face habitar in le canal gastric del
larvas del culices e essuga lor vitalitate in
alcun horas.

Jam ha volate helicopteros con le baccillo super
le region. On spera tangibile resultato solo le
anno veniente, assertava le medio.

Nota personal: Ego qui me imagina non multo
susceptibile a culices ha pensate de forsan facer
un excursion a Tärnsjö pro testar si isto es le
veritate o solo un mi fantasia personal.

In principio ego nunquam ha suffrate del culices,
quando alteres suffre. Le muschettos (parvissime
insectos que etiam bibe sanguine) es pro me multo
plus terribile. Illes attacca in nubes e time
nihil!

Cellus
Scribente in un camera sin piccante insectos