----- Original Message -----
From: Jay Bowks <[log in to unmask]>
Sent: Wednesday, October 25, 2000 11:41 PM
Subject: Re: Vamos nos al plagia oh oh oh (Re: illo que manca


> Forsan Angelo te influentiava in
> quando a facer le telephonata. Nunc io debe retornar al schola pro
> un meeting con le facultate del schola, io detesta le meetings del
> facultate, il sempre son poco interessante e plen de plangiamentos
> e io sempre pensa del altere cosas que io poterea esser a facer
> essente tanto occuppate con cosas plus importante que plangiamentos
> de poc importantia. Ma odie io ha grande novas pro dicer les al
> meeting e informar les que mi amico interlinguano Mario me telephonava
> pro medio del Interrete desde Treviso in Italia. Qual excellente cosa!

Angelo continua a poner se demandas re como tu traducera le Biblia. Ille
time que tu non sia ascetic, ma que tu sia confessional.
Io time que ille, qui ha vivite ab le tempore del tempores, sape ben que
totos non esseva jammais ascetic e que totos mitteva in evidentia, or isto
or illo, pro un particular interesse confessional. E io crede que ille time
que tu non sera un exception. Ille dice: Iste Biblia in Interlingua! e ille
non adjunge altere, ma ille repete sempre: Iste Biblia in Interlingua!
Io sape que quando ille face assi il debe esser preoccupate.
Sape tu perque? Iste angelo que io remulca!

Belle le question del "meetings del facultate"!
Nos, al minus in Italia, viveva le annos durante le qual le pan non era plus
bon, perque il era non plus correcte mangiar lo. Postea le annos que le
pasta alimentari, le spaghetti e le macaroni, pro intender nos, non era plus
correcte mangiar lo. Assi le pizza, assi le vino e le birra.
Hodie on dice que le dieta mediterranee que comprende pan, pasta, pizza,
vino, birra, oleo de oliva, es le non plus ultra! Ma recentemente alcun
dieticos pone de novo le problema in discussion.
Io ha sempre continuate a mangiar como me inseniava mi matre.
Assi io, pro illo que me diceva mi marita, io evitava de proposito le
meetings del scholas frequentate de mi filia.
On disputa como se debe divider un stilo, o de cosas de iste nivello.

Un altere tentativo de introducer un excesso de democratia a tote disvantage
del autoritate del educatores.
Il serea como haber durante le vita un meeting que pretende constantemente
de controlar si uno respira ben, e cosas de iste genere.

No! Io invoca le educatores de mi tempores e le selectiones de mi tempores.
Cata uno poteva avantiar in le studios si ille mitteva del sue.
Alteremente uno debeva guardar se circa e considerar le mundo del labor,
altrere schola con altere educatores, sempre a mi tempore!

Como sera que le Scholas existeva in Venetia durante al minus octo seculos?
Ma actualmente si in Italia uno se refere al Corporationes, que faceva
grande le Italia usque a producer le Rinascimento, uno veni tosto
etiquettate de esser fascista a causa del corporationes del fasce. Oh Deo,
le cultura e le democratia!

Mario qui senti tote su 60 annos! Uno vide de cosas durante iste tempore.

Ciao!