VISITATION DENEGATE IN CASO DE
MIXTURA ACCIDENTAL DE EMBRYONES

Per Samuel Maull
ASSOCIATED PRESS

Nove York -- Un corte de appello del stato
ha denegate derectos de visitation a un
femina blanc qui parturiva le baby de un
copula nigre post un mixtura accidental
de embryones in un clinica de fertilitate.

Le Division Appellate de Nove York decideva
5-0 jovedi le 26 de octobre que le nascentia
del infante de Robert e Deborah Perry Rogers
a Donna Fasano esseva un error e que illa e
su sposo, Richard, habeva necun derecto de
cercar visitation con le infante.

In su decision de 17 paginas, le corte diceva
que le caso essseva similar al "confusion de
duo neonatos, que debe esser simplemente
corrigite immediatemente," in loco de un
caso in que le matre parturite pote reclamar
le mesme derectos como le matre genetic.

Le familia Rogers, de Teaneck, Nove Jersey,
recipeva le novas de lor homine de lege,
Bernard Clair. "Illes plorava, ambe de illes,
con felicitate," ille diceva.

David Cohen, un homine de lege pro le
Fasanos del Insula Staten, diceva que
illes esserea disappunctate e possibilemente
facerea un appello.

Le mixtura occurreva a un clinica de
fertilitate in Manhattan, que tractava
e Rogers e Fasano le mesme die.  Fasano
esseva implantate erroneemente con le
embryon de Rogers, de 34 annos, insimul
con un embryon sue.

Le 29 de decembre 1998, Fasano parturiva
duo pueros, un nigre, que illa nominava
Joseph, e un blanc, nominate Vincent.
Perry Rogers esseva implantate solmente
con su proprie ovos fertilizate, necun
de que produceva un feto.

Quando le Rogeres apprendeva que Fasano
parturiva lor baby, illes cercava
custodia.  Le Fasanos rendiva le
infante solmente post le Rogerses
lo demandava in corte e signava un
accordo a lassar le Fasanos visita le
infante.  Le Rogerses renominava le
infante Akeil post prender custodia
in maio de 1999 e registrava le
nascentia con illes como le parentes.
Illes tosto stoppava permission del
Fasanos a visitar e demandava in corte
a cancellar le derectos de visitation.

Le Fasanos faceva un contrademanda, e le
Division Appelate decideva ambe casos.