Le medios ci reporta multo in re le facto que le Statos Unite de America non
paga lor cotisationes al Nationes Unite. Isto es sempre un problema in le
democratia. Un pais pote negociar un cosa con un altere pais, ma le
parlamento, que consiste de membros irresponsabile pote ben utilisar un tal
cosa pro dar le governamento un crepito al naso. Naturalmente nos omnes qui
pensa que le plus gloriose pais del mundo deberea demonstrar un bon exemplo,
spera que in le futuro etiam le opposition participa e prende responsabilitate
in le Nationes Unite.

In un senso io non comprende que le Statos Unite tolera le Nationes Unite in
su territorio. Forsan on deberea allocar lo in Geneva. O on deberea seliger un
loco con un agradabile climato, non troppo calide e non troppo frigide. Il
debe - pro neutralitate - exister plus agradabile locos que Uppsala, Svedia!