Del etate de ferro - circa 2000 annos retro on ha
in general trovate tumbas. Ma le archeologo
Lindsey Lloyd Smith (Sp) asserta que ille ha
trovate un construction que o es un crematorio o
un templo. Illo es situate a un latere del campo
de tumbas Åby, situate propinque a Västerhaninge,
un loco al sud de Stockholm (Svedia).

"Ego es tanto certe que isto es un templo (o un
crematorio) et non solo un arboreto sancte, que
ego risca tote mi carriera scientific in isto, et
si ego non es correcte ego retornara a Anglaterra
e nuncuam revenira a Svedia",  dice Lindsey Lloyd
Smith in un tono humoristic.

Como ego comprendeva le reportage on ha cognoscite
arboretos sancte in le religion de iste parte del
etate de ferro. On ha habite tumbas grande ma
nulle templos. Si le constructiones trovate apud
Västerhaninge vermente es le templo o le
crematorio que on crede, il significa que on ha
facite un travate de enorme significato.

Usque nunc, secundo le programma de radio que ego
audiva, on ha vidite marcas de palos que ha essite
le construction fundamental de un edificio. Si il
se monstra que le trovatas es vestigios de un
edificio et si on pote pruvar que iste edificio
obviemente ha essite usate pro scopos religiose,
i.e. que illo non "solo" es un tumba, in ille caso
il es un trovata sensational.

Mi nota: Tacitus scribe in su "Germania" que le
germanos practica su religion in arboretos sacre.

Vermente un interessante cosa.

Al nord de Uppsala, in lo que se appella "Vetere
Uppsala" (Gamla Uppsala) il ha tumulos,
probabilemente del 6-e seculo del Era Commun
(nostre era).

Le populo ha ascendite le summito del tumulos con
tante interesse que le sentieros se ha formate in
parve rivos de errosion. Pro isto il non plus es
permittite ascender le tumulos. Ego senti mi
radices cultural (si non necessariemente
"genetic"), assi dicente le batter del alas
historic (le aladas del historia ;-) vidente iste
tumulos. Como "edificios " illos es remarcabile
ben que non in le classe del pyramidos de Epyto.

Le prime signos del autumno adveni.

Infelicemente
Cellus