Esteban Avey wrote:
> 
> Il es ver que le argentinos se considera plus "europee" que "american" e,
> dunque, io crede que iste interesse del Carneval es pro illes solmente
> altere integration a in le cultura argentin, que jam es un grande mixtura
> de culturas, p. ex. italian, espaniol, arabe, etc. Il es bon que le
> argentinos finalmente trova altere maniera pro "expressar" lor "alma latin"
> que illes multo frecuentemente cela proque illes crede que isto no es
> bastante "elegante". Tamen, io crede que le cultura argentin non vade
> cambiar se multo in iste respecto. Certo, le "porteños" facera excursiones
> a Entre Ríos pro vivir como "brasileiros" durante un pauc de tempo, ma
> postea illes retornara a lor amate citate e se revestira con lor mantello
> comode de cosmopolistismo europee. Ille nec es mal nec bon -- ille es
> simplemente un facto. Mi granpatres es de Argentina e illes vermente
> esserea de accordo con me. Io, personalmente, crede que il es bon que le
> argentinos apprende e gaude del cultura ric e plen de vita de Brasil. ¡Qué
> viva el Carneval! Gratias, Ensjo, pro tu traduction!
> "Sambamente",
> Esteban

Multo interessante. In descriptiones de Argentina que on pote leger ci in
Svedia il sovente es sublineate le sudeuropeicitate de pro exemplo Buenos
Aires. Esque le notion _alma latina_ es un altere cosa que sudeuropee, que on
frequentemente anque in mi parte del mundo usa pro describer Italia e Espania. 

Ante de facer cognoscentia con multe personas de Iberoamerica io habeva le
idea que il ha plus grande similitude inter le varie paises, ma mi informantes
me indicava significante differentias inter un chileno e un cubano pro
exemplo. 

Io ha ascoltate multe musica de Iberoamerica que me multo place. 

Amicalmente