Car Erik,

il debe esser necessari releger ben illo que io scribeva perque io non
deberea haber affirmate un defensa de Italia, ni un accusation gereralisate
al integre categoria del veterinarios europee.
Io es deludite del caso Italia, e non in le mesme misura del novitates in
Germania, in consideration de quanto iste Pais pretenderea de vender in le
mercatos de mi Pais. On haberea de indagar, per exemplo, in le reciclages de
productos que ha superate le date de scadentia!
Como io non mentionava le facto que io absolutemente non comprende, ni le
assi asserite novitate del morbo, ni le actual plancto del reproductores, de
qualcunque pais europee illes sia.
Justo le aspecto que tu evidentia re le modo de transportar le animales al
abattitorio, ma nos debe restar a un problema, alteremente nos divaga e, jam
ora, nos curre le risco de non comprender nos, como in le caso de parte de
tu responsa.
Il es simplemente de heri le notitia del recommendation al integre mundo re
iste problema, solmente ora, proponite pro le organisation particular del
Nationes Unite.
Ma in iste annos, que faceva nos?
E que faceva le homines professional preponite in omne nation del UE al
specific controllo del sanitate del animales?
Tu scribe re le AIDS. Io non pote reger iste comparation, io non ha le
necessari preparation.
Ma tu, como veterinario, e obviemente mi 'tu' non vale pro tu persona, ma
pro tu categoria, sape ben qual nove alimentos on va dar al animales.
Tu debe posseder iste information si tu opera in tu sector.
Le facto que in Svedia vos los proibiva per prime, es meritevole, ma non
servi a iste situation anque per le mesme Svedia, perque il es simplemente
impossibile que vos non habera importate del resto de Europa generes de
alimentation e lor derivatos que comocunque ha un unic provenientia ab le
mesme animales.
Iste facto ora preoccupa le mesme USA, pro me non per le prime vice perque
in USA jam existeva iste problemas, como con le pullos. Il pare que al
confin del Mexico on scongelava le pullos pro exportar los fresque al
Mexico. Ma anque isto non resolvi le situation perque resta le absentia de
un 'qualificate movimento de opinion' que in le precedente annos debeva
informar le consumitores de illo que a nos veniva portate in nostre tabulas.
O un categoria pote non vider, non sentir, non parlar, ma gratuitemente?
E pro le pisces? Io legeva que illos de reproduction regulate per le homine
es al nivello de 60% de nostre consumo actual.
Que face io, le verde?
No! Io face solmente un paragon. In le caso de mi profession si actualmente
pro mi mancantia de uso del normal diligentia, io resultarea le causa de un
domno ben minor de iste proportion, ben io finirea securmente in prision.
Al contrario le reproductores sera indemnisate del abattimentos del aminales
infecte e illes qui habeva le carga de controllar - ambes le categorias ben
conscie de usar violentia al animales pro obtener resultatos in le plus
breve tempores, e non solmente con le alimentos, ma anque con uso de
pharmacos -  illes pare que non sia responsabile.
Il es de hodie in Italia le notitia del differimento a judicio de un note
professor universitari qui studiava le materiales doppante e qui veni
accusate de diffunder los inter le athletas.
Io trova un disparitate de tractamento pro iste professor in comparation al
veterinarios.
Isto non me convince e isto es un crimine belle e bon, al par del holocausto
que le communitate international rememora hodie.
Io non crede a le facto que il non exite un responsabile o un massa de
responsabiles.
E que dicer de illes qui era preponite al production e al controllo sanitari
del alimentos pro le animales?
Ni nos ha un recurso possibiles in le vegetales, ni un sperantia in le
respecto del vita human. Belle situation!
Defender un categoria professional o un Pais, mesme le mie, in iste
circustatias es vermente un action for de posto.
Nos haberea le opportunitate de demandar nos usque a qual nivello nos es
disponibile a permitter iste actiones. Ma qui es 'nos'?
Un nullitate que cresceva in le convinction de viver un epocha de
democratia!

Iste Mario vermente for de ille!

Certemente que nos incontrara nos a Gdansk iste proxime julio e il es for de
discussion que nos es amicos. Es le ver amicos qui sape debacter un
qualcunque thema, sin esser necessarimente de accordo e totevia in le
respecto del persona e del sentimento de amicitate.
Illes qui porta resentimento o qui se comporta como si tu presentia non
existerea, illes es solmente homines que quando io les incontra io debe
salutar con le melior cordialitate possibile. Illes sape perque.


>From: ENFORS ERIK <[log in to unmask]>
>Date: Sat, 27 Jan 2001 00:15:14 +0100
>

>Italia non lo faceva e io suspecta que anque  le veterinarios italic lo
>voleva sed forsan interesses mercantil ibi lo stoppava como in multe altere
>casos, per exemplo re  transportos indigne de animales al abattitorios ibi.

>.... -sed nos es inquietate que pulvere estranie, al minus parve restos,
>pote haber devenite inmixtite per     maniera illegal o imprudente......
>
>Totevia tu accusa le veterinarios in commun e oblida que isto esseva un
>totalmente nove maladia. Como se developpava AIDS  (SIDA) ante nos
>comprendeva le serio de iste maladia e como se divulga iste maladia
>continuante malgrado tote cognoscentia nove. Crede tu que il es a causa de
>protection de ulle mercato?
>
>Si , il esseva io qui exprimeva un vice interesse pro le maladia de pullos
>in Italia e perque tu vive in le mesme region io credeva que tu devenirea
>interessate in livrar informationes nove del situation multo seriose. In
>Svedia nos recipeva le informationes  presto solmente si le jornales esseva
>interessate e illos  oblidava iste nova post alcun dies. E isto tu apella
>un   -preoccupation pro un attacco al reproduction del pullos in Veneto-.
>Perque attacco?? Excusa me, esque il es prohibite demonstrar interesse pro
>problemas re animales in Italia. A proposito, como es le situation hodie?
>Io non sape, le jornales lo ha oblidate, o forsan interesses mercantil se
>ha miscite lo que naturalmente sovente es un realitate (anque in Svedia).
>
>No, Mario tu me ha misinterpretate, io non contemne Italia o te.
>Que nos continua esser amicos! Forsan nos nos incontrara in Gdansk.
>
>Erik Enfors, anque pensionario

_________________________________________________________________________
Get Your Private, Free E-mail from MSN Hotmail at http://www.hotmail.com.