Car amicos e amicas

Jay, mi tres plus vetule infantes (con etates inter 6 e 10) era  multo interessate quando io ha annuciate que io habeva recipite un message de un homine qui habita in le urbe ubi on ha filmate 'Jumanji'. Iste es un de lor preferite filmes, reguardate plure vices. Forsan 'stupefacte' es le parola le plus apte. 

A proposito, actualmente nos suffre de un essame de mosquitos (qui prolifica al baia de Homebush - le sito del jocos Olympico!) Felicemente, nostre mosquitos non ha le mesme grandor que illos que ha appestate le povre citatanos de Keene.

Comocunque le mention de Interlingua ha producite facies sin expression circa le tabula de cena. Il se tracta de un cosa incognite pro illes. Un pauc de education es requisite.

cordialmente
Adrian