======================================
"SCIENTIAS" DE INTERLINGUA E ESPERANTO
======================================

Usa Courier 10 (Semper...), per favor!

Amusantemente le esperantistas ha fundate un tote
"scientia" circum su lingua fede. Amusantemente proque
esperantismo es un movimento petrificate proque le
creation de Sr. Zamenhof es un totalitate sacre, nulle
modificationes son permissibile, illo esserea un grave
crimine pietetic. He-he, io debe confessar que so etiam
un pauc infectate per le maladia de zamenhofismo,
modificationes e neologismos in interlingua me non place.

Totevia, ecce un parve essayo "scientific".

DECLARATION UNIVERSAL DEL DERECTOS HUMAN es un bon fonte
pro qualcunque comparationes, e.g. inter interlingua e le
linguas del fonte de interlingua, etiam inter interlingua
e esperanto.

Io crede que le DECLARATION presentate per juxtaposition
de interlingua e esperanto pone esperanto in luce multo
disavantagiose, mesmo ridiculose. Nos debe presentar iste
juxtaposition in varie foros ubi nos confronta esperanto
como un rival.
    Io expedi per INTERLNG le datario del
    interlingua e esperanto juxtaponite.
    Io pote expedir iste juxtaposition etiam
    de interlingua - anglese/espaniol/francese/italiano/
                     letino-nyon/latino-socrates
    a personas qui son interessate, in modo de
    Excel 5, WinWord o in texto ASCII.

Ecce un lista de datarios in forma del texto del
DECLARATION in varie linguas:

DEHULATS.TXT (Latino "Socrates") 10 860 *1*
DEHUESPE.TXT (Esperanto)         10 862
DEHULATN.TXT (Latino "Nyon")     10 934 *2*
DEHUANGL.TXT (Anglese)           11 751
DEHUPORT.TXT (Portugese)         12 336
DEHUESPA.TXT (Espaniol)          12 984
DEHUITAL.TXT (Italiano)          12 988
DEHUFRAN.TXT (Francese)          13 010
DEHUILIN.TXT (Interlingua)       13 010

*1* Liceo Ginnasio Statale "Socrate", Roma, Italia
*2* Classes 3AB1 - 3B2 Gymnase de Nyon, Suisse

On vide que le datario del esperanto es relativemente
curte, sol 10 862 octetos quando lo de interlingua ha
13 010 octetos. Le curtitate non es le plus importante
factor in le "bonitate" de un lingua. Si il esserea tal,
Glosa esserea uno del plus bon linguas.

Glosa                   Interlingua
----------------------  ----------------------------------
Fe pa more ki ad urba.  Illa habeva le costume de vader al
                        citate.

Si un lingua es multe curte, su rhythmo e resonantia
suffre.

Per hasardo le datarios de francese e interlingua son
precisemente equalmente grande. Le altere linguas del
fonte, italiano, espaniol e portugese son etiam quasi
equalmente grande como lo del interlingua.

Salutante

Allan