Salute, omnes!

Norvegia - le pais con due linguas Norvegiano!

Forsan le plus grande impedimento pro le communication international es le
differente linguas. Il ha milles de linguas en le mundo e cate iste lingua
es un abysso inter le communication interhumano.
Ma al altere latere cate persona experiente su lingua como un parte
integra, e evidentemente va resistir fortemente si on tenta de robar lo de
iste. En le ultime decennios il mesmo ha, en multe partes de Europa,
developpate un regionalismo lingual ubi multe regiones deve retornar, o
crear de nove, lor proprie lingua. Iste demandas es plus sovente basate de
un desiro popular, es dunque democratic e deve ser respectate. Ma iste
crecimento de multe linguas, usate per poco gente, e en areas multo parve,
non exactemente meliora le communication interhumano, specialmente si le
differentia inter le linguas es grande. En iste contexto Norvegia es un
exemplo atypico proque nos ha due manieras de scriber nostre proprie
lingua. Le uno, qui appelarse "bokmål" es multo proxime a danese de
rationes historic, e le altere "nynorsk" es basate sur dialectos,
primeremento ex le parte occidental del pais. Cate alumno en le schola
norvegiano deve apprendar iste due manieras de scribere le lingua materna,
e le resultato es; confusion!  Le alumnos ha menos lectiones en lor lingua
materna que p.ex. le alumnos svedese o danese ha en loro e en addition
illes deve apprendar due variantes de le lingua norvegiano. De rationes
politic il es impossibile de cambiar iste, il ha lo menos estate
impossibile usque nunc.
Forsan interlingua serea le solution hic! Hm..

Sinceremente, kjellt