>Jay,
>Io trova que tu debe invitar Patrick al lista.
>Ivan Mourão.

Gratias, Ivan,
Io lo invitara al Interlng... ma pro que non al
[log in to unmask] Proque io non vole
reciper messages flammante in respecto que
le nove lista compete con le Interlng.

Le problema con invitar a un persona tanto
nove al [log in to unmask] es que
sin dubita il haberea repercussiones proque
le ration que illo esseva formate esseva pro
non involver le interessatos in discussiones
grammatical e de vocabulario que alcun del
membros del Interlng pensa esserea troppo
pesate pro le novicios. Il me pesa pensar
que le Interlng non es un tal foro de discussion
grammatical jam que tante discussiones
interessante illac al Interlng se tractava de
punctos grammatical e del vocabulario del
lingua belle auxiliar... discussiones que io
amava como novicio al mundo cyberspatial
del Interlingua. (Memora vos le discussiones
inter le membros del compuserve?) Ma...

io spera que vos omnes pote comprender que
si io invita a Patrick a esser parte del lista
nove del discussiones grammatical io facerea
un peccadillo al cortesar nove membros pro
le [log in to unmask] e de tal maniera
presentar un obstaculo o qualque forma de
impedimento al novicios que esserea possibile
membros del Interlng.

Le [log in to unmask] es un lista aperte
e sin impedimentos de qualque forma... il non
ha un vista guidante... solmente le gol de esser
un foro pro le discussion del grammatica e le
vocabulario del lingua tante belle e international-
mente auxiliar, le qual io ama tanto como le
altere membros del lista.

Le lista [log in to unmask] non es un lista
pro re-inventar le Interlingua. Il esseva extrahite
del linguas romance con le travalio e sudor de
linguistas professional, dedicate e devote al gol
de colliger le vocabulario international ex le linguas
romance e anglese considerante alsi le germano
e le russo. Le [log in to unmask] servi como
camera pro discussion del themas grammatic e
del vocabulario de iste belle lingua. Omne que
vole discuter iste themas es benvenite e io me
gaudia poter offerer iste humile foro pro discussion.

Ma pro le gratia del avantiamento del novicios le
invitationes al Interlng esserea plus recommendabile.
Isto durante que le portas del [log in to unmask]
remane aperte e omne que vermente vole involver se
in le discussiones grammatical e de vocabulario es
benvenite.

Sincer e amicalmente,
Jay B.


----- Original Message -----
From: Ivan C M <[log in to unmask]>
To: <[log in to unmask]>
Sent: Monday, March 01, 1999 5:21 PM
Subject: nove thema


>Le possibilitate de parlar com personas de tote le mundo usante apena um
>lingua es le plus fascinante del interlingua, sed nos non succede usar
>iste privilegio adequatemente proque nos es plus preoccupate com le
>problemas technic del lingua. Io pensa que iste lista manca de  themas
>plus feminine, como culinari per exemplo.
>
>Jay,
>Io trova que tu debe invitar Patrick al lista.
>
>Ivan Mourão.
>