>Si, le nove cultura del mundo connectite. Quando io pensa que le "tela" ha
>existite a pena 3-4 annos! E, nos son ancora in le passos infantile.
>Tosto sera le complete cognoscentia e memoria del humanitate a nostre
>servicio--disponibile de plus in plus proxime a nostre mentes. Nos
>utilisara nostre intelligentia non pro contener informationes, sed pro
>poner questiones utile, pro navigar le mares immense de information, e pro
>comprehender.
Le humanitate va adaptar se a iste nove conditiones create per le tela e
le intercommunicationes. Totevia, io ancora senti, como un membro del
vetere generation, que nos perde alique in facer nostre vitas tanto
connecte a nostre telas electronic. Le informationes es tanto immense,
que nos non pote semper processar lo. Io mesme senti que mi vita es in
un senso minus productive ora, proque io es ligate troppo a mi terminalo,
e io solmente lege e scribe messages a alteros, mais non produce altere
labor.
Io ha articulos a scriber, libros a scriber, cursos e lecturas a scriber.
Mais io solmente lege e scribe messages al interrete.
In certe gruppos de novas professional, io senti que io face contributiones
importante, proque nos discute problemas professional e clarifica nostre
ideas. Infortunatemente, al ora actual il ha pauc vias a accreditar los
con iste "labor", durante que durabile publicationes e investigationes
financiate es evidentia melior del "productivitate".
Stan Mulaik
|