===============================================
               UKAZ DE FFFF 970525
-----------------------------------------------
1. Discussiones non-amicabile           : NYET!
2. Discussiones non-necessari           : NYET!
3. Linguas estranie (= non-interlinguan): NYET!
4. Guerras                              : NYET!
===============================================

RE:
Frank Pfaff <[log in to unmask]>
INTERLNG: exemplos si, discussiones no
970525

Zdravstvuite, dorogii tovarishtchi! Car Frank!

Io bon apprehende que le administration del INTERLNG
de tempore in tempore debe retornar disciplina in iste
gruppo.

---------------------------------------
Le guerra inter Interlingua e Esperanto
---------------------------------------

Il existe un guerra inter Interlingua e Esperanto!
Ubi?
In Europa. Le ambe linguas auxiliar lucta pro stato del
lingua auxiliar official del Union Europee.

Ma un servitor in le Statos Unite clarmente non es le campo de battalia
proprie pro iste "guerra". Iste guerra
debe esser facite in Europa.

Io declara me un partisano del armea heroic del Interlingua. Como un
renegato (ex-esperantista) io es
bastante ardent adherente de Interlingua.

Ma mi attitude vs. prof. Ken Caviness non es adverse,
al contrari, io gaude de facer con ille iste etiam
bizarre discussiones.

Io propone que nostre amico Ken continua discuter con me
via private posta electronic si ille usar alicun altere lingua que
Interlingua.

--------------------
Discussiones bizarre
--------------------

Io pensa que le stilo de facer discussion in Europa, e
particularmente in Fennoscandia, es alicun vices troppo
bizarre pro le americanos, que es forsan un pauc plus molle-cuteate que
le aspere europeanos. Nos apprecia le
stilo de conversatores de Voltaire.

Io essaya in futuro limitar le themes bizarre in le
circuito private de fennoscandianos e personas qui vole
voluntar.

-------------------------------------
Latino classic e latino sine flexione
-------------------------------------

Io expedira le "Nuntii Latino" solmente al personas que
vole obtener illos. Mesme applica le questiones re latino classic.

Io ancora ha alicun textos del grammatica de mie re
"mi latino sine flexione". Illos io expedira solmente a
Jay Bowks, que era interessate super illos.

                         o o o

Io spera que isto decisiones corresponda le leges e
principios del INTERLNG.

Si non, jecta me foras de INTERLNG sin misericordia
(He-he, isto es un citation ex mi discurso de Mirabeau)!


Amicalmente

Allan Kiviaho
[log in to unmask]

P.S.
Isto era un super-reaction, forsan ...