Subject: | |
From: | |
Reply To: | INTERLNG: Discussiones in Interlingua |
Date: | Mon, 6 Nov 2000 18:44:41 -0500 |
Content-Type: | text/plain |
Parts/Attachments: |
|
|
Io trova le reactiones in iste fila troppo condemnative de Paolo
Castellina. Io debe confessar que io ha expendite plus que un hora in
tentar formular un responsa, sin trovar un adequate. Naturalmente io non
vole adder gasolina al flammas... Primo, io vole dicer que le integritate
de Paolo como administrator de sito de UMI ha essite irreprochabile, io
expecta que illo restara irreprochabile. Secundo, plure personas ha usate
linguage ultravehemente in iste fila, lo que ha efficite provocationes
reciproc. Tertio (e ultimo), le controversia detra le polemica es
importante. Il es forsan comprensibile que personas indifferente verso
doctrinas religiose opina que tal debattas debe originar in fanaticismo
intolerante. Io non tene iste opinion. Amicos, il ha occasiones ubi le
demanda a supprimer conflicto - mesmo de conflicto feroce - deveni un sorta
de intolerantia del conscientia individue. Io non es felice vider
flammatura in INTERLNG - in general un gruppo de notitia modellic que facer
excellente reclamo pro interlingua - ma il es melior (secun mi opinion)
acceptar conflictos in un communitate genuin que imponer un false
solidaritate.
Amicalmente,
Chris
|
|
|