Car Amicas e Amicos,

le Senior A. Artorius Arius Sarmaticus scribeva:
"Ma non absolutemente juste! Romula es etiam plus directe filia de
Latino!;-)))"
"Io crede que usar le termino "antique" in loco de "nobile" es plus correcte."
"Proque discriminar certe linguas?
Plus, in tempore del Renascentia non solmente "nationes romanic" era
"civilisate e nobile" - e.g. angleses, germanos."
"Io nominava (non correcte! mea culpa!;-)  un certe conception de
interlinguistica "fascista". Io ja ha dicite que verbo "imperialistic" es
plus exacte."

Io non cognosce Romula e mi latino se fermava al 1955 circa. Forsan io es
Venetic. Qui pote dicer lo con quantos in tres mille annos ha transite in
mi terra e illo contigue de mi patre.
E sol in le recente passato!
Io pensa que in Veneto o Emilia Romagna, mi regiones de origine, necuno ha
sanguine pur, certemente ha sanguine antique, preroman, etrusc o venetic, e
perque no grec, o gallo!
"Este" (un citate) forsan era nostre centro cultural e religiose
(divinitate Reithia), actualmente illo es le centro archeologic plus ric.
Anque Treviso se face respectar!
Nos usava le lingua scripte venetic antea le latino e nos ha documentation
de illo.
In Italia on ha apprendite de scriber con attention re argumentos roman a
causa del recente passato fascista e al burla del imperio de Mussolini.
Assi pro me es spontanee evitar le uso del terminos imperialistic e
fascista, que incontra un propension odiose al denigration.
Treviso era municipium con jus Latii e del tribo Claudia, isto antea
Christo e postea plus de tres seculos de alliantia con Roma. Romanos e
venetos se fundeva spontaneemente in decennios de cohabitation e de
contruction de stratas, actualmente in uso.
Io es crescite bilingue. Mi prime lingua era le dialecto de Treviso, postea
le italiano, tertie le latino e postea ancora francese e anglese. Pro mi
conto io me delectava anque con german, espaniol, portugese e russe, assi
sol pro sequer qualque curso, sin apprender nihil stabilemente.
In conclusion io sape sol mi dialecto parlate, perque nos non scribe in
dialecto si non rarmente, le italiano e un poco interlingua.
Le linguas es patrimonio cultural universal e io proba un sensation de
incommoditate quando on tracta un lingua con adjectivos jammais necessari.
Vale A. Artorius Arius Sarmaticus, potera nos usar le "tu"?
Ciao Amicas e Amicos,

Mario

Mario Malaguti
mailto:[log in to unmask]
Strada Bibano, 9 - 31100 Treviso (Italy)
tel. (+39) 0422 420790 - fax (+39) 0422 420789