Car Amicas e Amicos,

le agricultura europee (del UE io intende) es characterisate per le
superproduction e le surplus es conferite a centros de stockage e
subventionate a precios politic. Qui pativa le fame e debeva emigrar pro
isto, ora es previdente. In plus le europeos ha longe traditiones in campo
agricole e affin e nos debe evitar le abandono del terras, del montania e
del collina, del zonas arctic, del pisca. Anque nos ha sempre plus
restrictiones, per exemplo le pisca debe respectar le tempores e le zonas
de reproduction.
Simile servicio de protection frue le lacte e su derivates.
Nos importa carne, non a causa de carentia de reproduction (breeding), ma
pro convenientia de precio e a detrimento del qualitate.
Le pullo de reproduction italian es ora elevate a terra e on ha eliminate
le batterias. Io legeva que pro iste qualitate ora le pullo italian es
multo appreciate in Europa.
Le carne es certificate como producite in Italia, assi le insaccates
(salami, salcicia, mortadella, ossocollo, cuppa, et cetera) e le jambones
es certificate como producite ab animales reproducite in Italia e de racia
national. Io legeva de porcos de un racia del Apenninos emilian reducite a
qualque decena e ora retornate a esser reproducite. Assi pro le porcos
singular (italiano: cinghiale, ang. wild boar) reproducite al stato natural
(brado, wild), capras e bufalos, et cetera.
Le cultivationes sempre plus renuncia al fertilisantes chimic, assi le
fructocultura (io rende interlingua le termino italian frutticultura ab
fructo e cultura) al subsidios chimic in favor del apes e altere insectos
natural. Le fructos es etiquettate al fin de certificar le zona de
production e le absentia de tractamentos pro ameliorar le esthetica. Nos
torna a consumar fructos minus belle de aspecto, ma plus natural.
In le magazin (shop or warehouse) io pote comprar oranges italian o
espaniol, del Marocco o ab Israel e io pote preferer le qualitate que io
desidera.
In viticultura on opta pro le qualitate e non plus pro le quantitate del uva.
Le industrias alimentar german e lor grande catenas de distribution ha
aperite lor supermermatos e vende in Italia. Iste interprisas ha habite le
saturation; illos ha un methodo e un mercato que ha consequite su maximo in
nostre Pais, perque le traditiones resta diverse.
Nos compra caseos e vinos francese, nonobstante nos ha un production de
prime qualitate.
Istos es nostre libere selectiones e le productos es etiquettate e on sape
(o spera de saper) illo que ille compra.
Le apertura de un activitate commercial non es plus subjecte a
restrictiones e le botecas que jam existeva, ora claude in sempre plus casos.
On debe qualificar se, o on non supervive al concurrentia local.
Isto pote esser un exemplo: in le institutiones religiose, proxime al
ecclesias, ora on vende le productos del terras de mission. Le finalitate
es isto: adjuta illes a restar in lor paises e a ganiar con lor labor un
vita dignitose. Le productos non passa pro organisationes commercial
traditional. Illos habitualmente non es multo belle, ma decorose e isto
servi a un grande initiativa practic, que nos pote sustener, plus e melio
que facer almosna.
Nos es in presentia de grande e veloce mutationes.
In iste scenario arriva le productos manipulate geneticamente,
genomanipulate scribe Chis Burd, qui es minus possibiliste respecto a Stan,
re lor utilisation.
Sape nos quando nos los consume in alternativa al productos traditional?
Le pomo del Tirol es sempre minus belle de aspecto, ma plus bon e natural e
in iste modo ha grande successo, e nos debera confunder lo con un pomo
manipulate, o un pomo-fraga, o un pomo-ceresia, e assi de suite?
Un platto es al su maximo si illo es simple e con poc adjunctas!
Le nouvelle cuisine actualmente cede le passo al culina de sapor simple e
de tradition national.
In iste dies le Governamento italian ha autorisate nostre Universitate de
Padua a prosequer le recercas pro le utilisation de organos animal in le
transplantos. Il pare que le porco nos "donara" su organos, nos habera
expresso reproduction, probabilemente un expresso racia de porcos, e on non
habera plus manco de organos pro nos.
De un parte cresce le sperantia, per exemplo pro le retorno a un
agricultura (*) plus natural, ab un altere parte io proba inquietude.
Es io inquiete pro viver in mi eden de Treviso?
No. Io time le possibile consequentias del manco de un equal opportunitate
que deberea haber omne homine de qualcunque parte del mundo.
Globalisation sera anque equal opportunitate, como le differentiation inter
le homines, pro me, es facto simplemente natural, anque in le mesme familia.
Io habeva 16 annos quando le Presidente J.F. Kennedy e le Papa Giovanni
XXIII susteneva que le nationes que godeva ben-esser debeva offerer equal
opportunitate al alteres.
Scribe Chris Burd: "Vamos lassar le technologia del plantas genomanipulate
restar ancora dece annos in le laboratorio" e pro me il es impossibile non
esser de accordo con ille.
Scribe Stan que le tortucas del mundo es menaciate de extinction. Forsan
anque nos homines si nos non pone tempore al tempore. Le tortucas non es le
sol e paises europee non es melior con altere animales. Anque io es de
accordo que le morte de un bacterio o de un mosquito, o papilion non face
differentia, anque si io non arriva a esser sol vegetariano. Le respecto de
tote le cosas vivente es un facto de moral, como lor uso es facto natural.
Mesura e moral es de grande adjuta, como un religion natural.
Per Kjell R.: Io non recorda quando in Italia nos votava le referendum re
le uso del energia nuclear, ma multe annos retro, forsan in le 1987 circa.

(*) Io ha visitate iste paginas re iste themas:
http://www.raiuno.rai.it/lineaverde/piazza/lpiazza8.htm
http://www.aiab.it/
http://www.aiab.it/uk/ (in anglese)
In le secunde vos ha le possibilitate de discargar le regulamento CEE pro
le production biologic del productos agricole e pro le production de animales.
Iste texto del 19 julio passate es un bon responsa a Stan qui ha su ideas
re le Union Europee, e forsan anque a Sigmund, si io non ha equivocate in
comprender su themas. Io pensa que si vos leva le Presidente Clinton qui
resta si non le homines de governamento del Paises Europee? Illes es
secunde a Clinton? Io non vole judicar, io scribe sol que como cive europee
io me senti tranquille. Nos exprime homines valide e nos ha multo de iste
homines in tote le campos.
Forsan illes politic non es le melior nostre expression. Pro facer le
politico on debe haber de limitationes. A Venetia on eligeva le doge a
vita, postea illes le controllava durante tote su vita e quando ille moriva
illes le processava insimul a su familia pro verificar que necuno traheva
avantages personal. In Germania ora on ha su scandalos politic
(finantiamentos illicite al partitos); le mundo sera sempre plus un
globalisation. Es io qui debe esser me mesme.

Ciao,

Mario

Mario Malaguti
mailto:[log in to unmask]
Strada Bibano, 9 - 31100 Treviso (Italy)
tel. (+39) 0422 420790 - fax (+39) 0422 420789
http://www.i-gi.com