d[990606] x[Allan Kiviaho] KivA-966
s[Halicarnassos]
[log in to unmask]
[log in to unmask]
[log in to unmask]
[log in to unmask]
[log in to unmask]
[log in to unmask]
[log in to unmask]
[log in to unmask]
-----------------------------------------
Halicarnassos e interLINGUA de Johannitos
-----------------------------------------
Estimate Cavalleros del interLINGUA (*) del Ordine de
Sancte Johannes!
(*) Como cognoscite, le Ordine de Sancte Johannes
era dividite in octo "Linguas" (Provence,
Auvergne, Francia, Italia, Aragonia, Castilia,
Germania e Anglaterra). Le octo punctas del
cruce maltese symbolisa iste linguas. Sia
interLINGUA un lingua commun de omne linguas
de Johannitos.
---------------------------------------------
Quando nos era a vacation a Marmaris,
Turchia, 1998 septembre, un grande cruciator
de touristas maltese lo visitava. Nos habeva
le gaudio de reguardar le magnific cruce
maltese.
Un pauc addition a mi narration super Halicarnassos.
Nunc io ha prestate me de novo le libro
Christoffer H. Ericsson. "Strövtåg i Anatoliens
Hellas" (Excursiones a Hellas de Anatolia).
Konstsamfundets publikationsserie XVI. Östra Nylands
tryckeri Ab. Lovisa 1994. 192 p. ISBN 951-9114-47-5.
Io habeva isto libro quando nos era a nostre vacation
a Marmaris, 1998 septembre. Prof. C.H. Ericsson ha
profundo studiate le historia in iste region e etiam
in le British Museum que era originalmente edificate
como magazin pro le objectos trovate in Anatolia
occidental.
Ecce le narration super Halicarnassos in alicun plus
grande detalios.
Halicarnassos era considerate in epocha del antique
como un urbe ideal. P.ex. Vitruvius, un ingeniero
militar e architecto in Roma del imperator Augustus ha
lo glorificate. Halicarnassos era le capital del
provincia de Caria. Le lingua original de carianos es
incognoscite. Non mesmo Herodotos, "le patre de
historia", qui nasceva in Halicarnassos ca. 484
a.Chr., era conscie super isto facta. Herodotos es
etiam appellate "le patre de tourismo".
Caria e grande partes del Asia Minor era longe sub
regime de Persia. Etiam le citates grec era subjugate
per le persianos desde ca. 540 a.Chr. Le regime
persian era generalmente bastante benigne que
permitteva un extensive autonomia a su dominiones.
Asia Minor occidental era populate plus e plus per le
colonisatores grec e p.ex. quando Herodotos nasceva
le majoritate del population de Halicarnassos parlava
le dialecto ionian de grec, despecto le facto que le
citate era initialmente dorian. Possibilemente
Halicarnassos deveniva "ionian" proque illo era
expellite ex le Hexapolis (un alliantia de sex doric
citates) pro alicun disputa religiose.
Halicarnassos era governate per carian dynastias sub
le suprematia le Persia. Le plus eminente del iste
dynastias era lo de lygdamites.
490 a.Chr. Persia tentayava occupar tote le Grecia.
Tunc occurreva le grande battalia naval a Salamis.
Le esquadra de Artemisia senior, regina de Caria,
participava a iste battalia. Quando le flotta persian
era quasi totalmente annihilate, Artemisia e su
esquadra succedeva escappar intacte. Le resto del
flotta persian consisteva principalmente de
pheniceanos e pro-persian grecos.
Durante le periodo de Herodotos Halicarnassos era
membro del alliantia naval de Attica, post que le
flotta persian habeva essite totalmente destruite a
Mykale, 470 a.Chr.
Le periodo de hegemonia del Athena significava un
oppression considerabile. Sed 413 a.Chr. Persia
capturava Caria de novo e un nove, multo florante
periodo de libertate comenciava sub regime del
nobilitate del Caria.
Mausoleo
--------
Hecatomnos fundava un provincia semi-independente in
isto districto. Ille habeva tres filios, Mausollos,
Idrieus e Pixodares e duo filias, Artemisia (junior) e
Ada. Como le pharaos in ancian Egypto, le princes de
Caria maritava se con su sorores. In Caria le feminas
e viros era totalmente equal!
Mausollos faceva Halicarnassos le capital de su stato.
Mausollos, que regeva 377--353 a.Chr., era un grande
homine de stato, militar, e edificator. Ille assisteva
Rhodos in su guerras contra Athen e faceva un coup
d'etat antidemocratic. Ille etiam prendeva grande
risico con participamente al revolta contra le
grand-rege Artaxerxes II.
Mausollos ipse comenciava con edification de su
"mausoleo", su deveniente sepulchro. Iste edification
monumental, uno del septe miraculos de antique,
dominava le omne pictura del citate. Benque Mausollos
era un regente non-hellenic, ille importava
architectos e sculptores grec de plus alte reputation.
Post su morte su sorore Artemisia finiva iste obra
maestral.
Io me amusa con tener le cavalleros del Ordine de
Sancte Johannes como le patronos spiritual del
movimento pro interlingua, proque le servitor del
INTERLNG es le Universitate de St.Johns. E le latino
vulgate era uno del linguas principal de Johannitos.
A proposito, io pensa que etiam le magnific
universitate de Cambridge, Anglaterra, es nominate per
Sancte Johannes: St.John's College e le studentes de
iste universitate se nomina Johnians = Johannitos.
Interessantemente, nostre filia Pia Maria (Su
inseniatrice de ballet, le famose professor Margareta
von Bahr, la appalleva "Maria Pia" secundo le sancta
ex Siena), comprava in le libreria del Universitate de
Cambridge un libro de certe aspectos del grammatica de
anglese que forsan decisivemente la adjutava in su
examination de acceptation al departemento de
philologia anglese in le Universitate de Helsinki
contra un concurrentia enorme.
E le quasimarita de nostre filio passava in London le
Cambridge Examination, advanced level, de anglese.
Proque iste exemplos? Ben, io collige cosas de
connectiones inter le Ordine de Sancte Johannes e
mi familia ... e interlingua.
Infortunamente, le cavalleros de Sancte Johannes
destruiva le citate magnific de Halicarnassos proque
illes usava i.a. le petras del mausoleo pro edificar
su castello.
Le investigatores anglese era certe in le fin del
18e seculo que Bodrum, un citate turc, era le ancian
Halicarnassos e le loco ubi on poterea trovar le
residuos del famose mausoleo. 1846 Lord Stratford, le
ambassator del Grande Britannia a Istanbul, comenciava
le excavationes a Bodrum/Halicarnassos pro trovar le
mausoleo. Le excavationes comenciava seriemente 1856
sub le surveliantia de Charles Th. Newton. Su
committente principal era le British Museum e gigantic
ressources era date al su disposition. Su protector
era le admiral del marina de guerra a Malta. Sr.
Newton habeva studiate al Universitate de Oxford, ille
era un classico e ille era etiam bon educate in
brancas de artes, assi un persona ideal pro iste
mission.
Post su carga ille scribeva duo libros:
- A History of Discoveries at Halicarnassus, Cnidus
and Branchidae
- Travels and Discoveries in the Levant
Sr. Newton debeva comprar e demolir un plure de casas
turc e finalmente ille trovava le prime certe provas
que le sito del mausoleo vermente era illac. Le
population turc teneva le britones essente totalmente
folle sed plus tarde illes comenciava comprender que
forsan le britones prendeva un grande valor pro iste
vetule fragmentos de petro, post toto. Un importante
discoperta era un carro de battalia a quatro cavallos,
conducte per le par de regentes, Mausollos e su soror
Artemisia. Isto statua es pro disposition in le
British Museum.
In le muro del Sancte Pietro era duo leones de marmore
inmurate. Sr. Newton habeva un "firma" del sultan que
permitteva ille a remover le statuas. Le commandante
turc del castello refusava insistente que le figuras
non era leones sed pantheras ... Sr. Newton debeva
convocar naves de guerra britone e infanteria marin
ante que ille poteva cisellar le leones foras ex le
muro.
1998 septembre Brita-Lisa e io visitava Halicarnassos
e 1998 decembre nos e nostre filio con su quasimarita
reguardava le statua de Mausollos e Artemisia in
London. Nos era accommodate al hotel "Julius Caesar",
que es pronunciate in le local lingua degenerate como
"Dzhuulius Siisör".
On ha succedite con reconstruction de mausoleo in
picturas e multe modellos miniatur sed le grande
archeologo turc, Ekrem Akurgal, indica que actual-
mente il existe le mesme mausoleo in bon condition,
benque in un minor forma e plus modeste grandeur, in
un sepulchro a Mylasa, Caria. Iste mausoleo era
edificate in epocha del Imperio Roman, le secunde
seculo p.Chr.
Post le morte de Mausollos Caria era regite
alternativemente per su fratres e sorores. Le ultime
regente era le plus juvene de illes, Pixodares. Su
filia Ada se maritava con Orontobates, un satrapo
persian. Halicarnassos deveniva de novo persian.
Ptolemaios, le fratre de Alexander Grande, capturava
Halicarnassos 334 a.Chr. Le fortalessa era destruite
sed on lassava le citate intacte. Alexander Grande
ipse incontrava con Ada e faceva la le sol regente de
Caria. Ab Halicarnassos Alexander Grande continuava a
Phaselis (le qual nos visitava ante 2-3 annos) in
Lychia.
Castello de Sancte Pietro
-------------------------
Como io jam ha scripte, io e mi sposa visitava
Halicarnassos 1998 septembre. Le Castello de Sancte
Pietro es nunc le plus grande curiositate de isto
citate. E un bastante grande parte de material in le
castello veniva ex le mausoleo.
Le castello sta sur insula Zephyrion que es nunc
connecte al terra firme. Sur le mesme insula ha
probabilemente essite un multo sophisticate
fortalessa carian. Le esquadron del galeras de
Caria era uno del plus bon in le mediterraneo.
Le Johannitos habeva cambiate ab Jerusalem a St. Jean
d'Acre 1191. 1291 le Johannitos deberea cambiar a
Cypro. Un fortificate casa del cavalleros de Sancte
Johannes resta etiam hodie in le vicinitate de
Limassol. Le grandmaestro del ordine organisava
campanias ex Cypro e usque a 1309 le insulas de
Rhodos, Kos, Kalymnos e Leros (*) era capturate.
(*) Göran Schild, un famose autor finlandese, ha un
villa a Leros. Ille faceva multe viages con su veliero
"Dauphine" a Mediterraneo durante le 1950'es e
1960'es, in le archipelago de Grecia, Turchia e e.g.
un viage ab Leros al longe le costas de Asia Minor,
Palestina etc. a Egypto. Ille ha scripte multe libros
super su viages. Io crede que ille ha donate su villa
pro le autores finlandese.
1344 le Johannitos, que tunc se nominava etiam le
Cavalleros de Rhodos, organisava un grande campania
contra Smyrna (Hodie Izmir, un urbe de 4 milliones
inhabitantes), in cooperation con Venezia e Regno de
Cypro. Iste campania era appellate "Le Cruciada de
Aegeia". Le urbe era capturate ab le turcos seldzhuk,
sed iste nation multo martial de cavalleros remaneva
un enoio constante. 1402 le hordes de Timur Lenk
scopava per le omne Asia Minor e destruiva etiam
Smyrna.
Solmente 1402 le Johannitos succedeva capturar
Halicarnassos ab le seldzhukes. Durante le 15e seculo
le turcos osmane deveniva le dominante fortia in le
Asia Minor. Post que le osmanos habeva 1453 capturate
Constantinopolis illes considerava le Johannitos
essente lor inimico principal.
Le Johannitos se preparava pro le lucta decisive per
incessantemente fortifiar le fortalessas a Rhodos e
Halicarnassos.
Le castello de Sancte Pietro era initialmente
fortificate sub direction del un cavallero german
Heinrich Schlegeholt.
Como io jam ha scripte le castello de Sancte Pietro
era perdite sin battalia 1523 quando le fortalessa
principal a Rhodos habeva essite subjugate per le
armea del Süleiman Magnific.
Hodie le castello es in un multo bon condition. Illo
es le basse de un institution del archeologia naval
turco-american. Io ha scripte que le institution era
in Cypro turc (Girne/Cyrenia) sed actualmente le
institution es in Halicarnassos/Bodrum e in Girne es
un "normal" museo naval. Nos ha visitate le ambes.
Le castello consiste de un architectura de
fortification turc e occidental, le architectura de
cavalleros cruce es totevia dominante.
In le angulo del sud-est sta le magnific turre
anglese. Il ha un leon de marmor de ancian antique
e le armas heraldic de Plantagenet, le familia que
habeva 14 reges usque 1485. Le armas in Halicarnassos
era los de Edward Plantagenet, un rege regente e un
cavallero de cruce.
Le cavalleros de cruce francese ha modificate un
original muro turc. Le portal ha 3 armas, omnes con
cappellos de un cardinal; uno de Johannitos, uno del
grandmaestro Pierre d'Aubusson e uno del commandante
del castello anno 1492.
Nos ha discutite con mi sposa que nos debe vader de
novo a Marmaris e facer ab illo un visita a le
fortalessa principal de Johannitos a Rhodos. Isto
fortalessa deberea esser in un bon condition gratias
de renovationes initiate per sr. Benito Mussolini. Sed
io non sape si le hereditage de Sancte Johannes es
ben conservate a Rhodos per le grecos. Le mundo
byzantin e grec a pena ha disculpate de perfide
attacco e sacco terribile de Constantinopolis per le
armea del cruciatores latin 1204. Forsan le plus
famose (e notoriose) examplo de iste sacco es le
leones de San Marco in Venezia.
Rhodos era capturate per Italia in le guerra inter
Italia e Turchia que comenciava 1911. Quando le
italianos habeva capturate Rhodos e le altere insulas
de Dodecaneses le turcos habeva le castello de Sancte
Pietro como un basse importante de su defensa. Post
le Prime Guerra Mundial Italia teneva grande parte de
Turchia del sud-west occupate sed non participava a
essayo de Grecia a annihilate le "Kemalismo", le nove
Turchia libere, que occurreva sub auspicios de Grande
Britannia e Anglaterra.
Post isto un visita a Malta e le circulo del
fortificationes de Johannitos esserea complete.
Le Johannitos!:
Loyalitate es nostre honore!
Allan
|
