Nunc il es Sinter Klaas in Nederland. Forsan nos dicerea _Sancte Nicolao in
interlingua. Hodie Sancte Nicolao e su auxiliares que se appella Petro
Nigre va a omne le infantes e les da le donos. Io esseva conscientiose de
isto quando io poneva le radio in function e audiva un dictrice qui parlava
de isto. Multo interessante! Le nederlandeses habitante in Svedia celebra
(si isto es le juste parola, viste que isto es un festo multo amusante,
specialmente pro le infantes).
E in tal casos mi pensatas continua, e io constata que como un infante, si
io potereva eliger mi parentes (genitores) io desirarea un matre/patre de
Armenia o Ethiopia, con un fratre/soror, maritate con un russo, serbo o
greco, mi altere genitor esserea un nederlandese, e nos totes viverea in
Svedia. In un tal caso on pote parlar de un saison festive, como on ha in
le Statos. Toto comencia le 6 de decembre e fini circum le 19 de januario,
si un del genitores es armeniano/a.
Solo alcun annos retro io habeva un rationabile comprension del expression
_Season's Greetings_ que on recipeva in cartas ab le Statos Unite. In
Svedia nos ha le Lucia, le 13 de decembre, ma pro isto nos non scribe
cartas. Illos nos reserva al Natal. Bon Natal! God Jul!
Demanda del auditorio: "Esque vos non invia cartas a Lucia?"
Responsa: "Non a mi aviso" (=Non secundo mi informationes). Le gente es
troppo occupate in visitar personas con caffe, vino calide e bisquitos
piperate, ducite per un belle puella in blanco con un corona a candelas sur
le capite. (Felicemente in nostre tempore moderne il existe candelas
electric, assi que le Lucia non risca inscinder su pelles.)
Como Sancte Nicolao etiam Lucia ha auxiliares (non verbos ma puellas e
stellarios (pueros, con constructiones conic sur le capite).
In nostre dies le Lucia es deteriorante, al repulsion del amicos del
ordine. Le concentration se cambia del cantos e le Lucia al vino calide e
altere plus forte biberages, e tote le cosa facilmente cambia in un
dionysiada incontrollate. Multe scholas debe clauder!
Festivemente
[log in to unmask]
Kjell Rehnstroem
Vaenortsgatan 87
S-752 64 UPPSALA
Svedia - Sweden
|
