Stan scribeva:
>Esteban,
>  Proque le question:
>
>"Le question que ego ha es, que pensa
>nostre amicos judee de iste conversion e canonisation de Edith Stein? Esque
>illes lo considera un traition del fede judee per illa o es il un honor de
>que omne judeos assi como catholicos pote esser fer? Ego es multe curiose e
>spera reciper le opiniones del membros del lista."
>
>Esque vos reguarda aquesto como un traition al fide judaic?  Io accepta le
>facto que homines pote convertir de un religion a un altere.  Proque es
>aquesto un "traition"?
>
>Io cognosce ben un religiosa qui esseva levate como un judea, mais quando
>al universitate illa incontrava un juvene homine catholic qui intendeva
>devenir un prestre.  Illa studiava con ille a se convertiva al catholicismo
>e deveniva un religiosa.  Ironicamente, le juvene homine decideva non a
>devenir un prestre.  Illa deveniva un medico e laborava in India como un
>obstetrica pro le povre. Hodie illa es ancora un religiosa e insenia le
>methodos del controlo de nascentia per le controlo del rhythmos natural.
>Io non es convincite que aquesto es semper effective, mais pro le catholico,
>aquesto es le sol forma del controlo de nascentia altere que le celibato.
>
>Io recognosce que aquesto non es un caso commun.  Mais io non lo vide como
>un caso del "traition".

In principio le responsa es multo simple. In nostre tempore le humano ha le
derecto de cambiar su religion, secundo le declaration del derectos human,
apprendite per le Nationes unite. Necuno ha le derecto de coercer un altere
persona a lassar o apprender un altere religion, e isto es isto.

Certo il existe gruppos que pote vider le cambio a accesso al un o altere
religion como traition, e il non sempre es certe que illes es un margine in
certe paises, ma tal attitudes es contra le derectos human.

Si per hasardo Deo ha besonio de un special maniera de creder il esserea
multo probabile que ille lo demonstrara in un o altere maniera, lassante le
fulmine batter le errormente adorante personas al terra, ma ille
evidentemente es multo tolerante. Ille mesmo monstra compassion al homines
errante qui usa Su nomine pro benedicer armas pro macellar populos inepte
de defender se ipse....

Il es un poco con religion como con politica: on es multo ardente in
convincer un persona que ille debe adherer a un altere partito que antea,
ma al mesme tempore on lauda multo le personas qui tote le vita adhereva al
mesme partito.

"Nostre membro Eulalio Natarapido ha sempre essite un fidel membro de
nostre partito, convincitemente, sin hesitation, ille ha marchate le unic
via por attinger le situation que nos hodie vide circum nos. Oh, que omne
membros esserea del mesme tenacitate!"

Del altere latere il non occurre si sovente que on lauda un persona qui
possedeva le mesme bicyclo tote su vita, si non pro le causa que ille era
un multo bon reparator!


[log in to unmask]
Kjell Rehnstroem
Vaenortsgatan 87
S-752 64  UPPSALA
Svedia - Sweden