Car Kjell,
io faceva contacto con Bahais in le interrete
quando io trovava un articulo que mentionava
le uso de un lingua international. Io inviava iste
URL al Interlng io crede jam face multe menses.

Io incoragiava al Bahai con que me correspondeva
que ille visita le sito official e que lo traheva al
attention de alteres in su gruppo de amicos.
Hic in mi citate il ha un senior que vive alcun
stratas non multo distantes de mi casa. Ille
habeva alcun discussiones con me in reguardo
a su religion. Io lo trovava in le ministerio del
bon novas, procedente de casa a casa in le
territorio que mi congregation se effortia pro
comenciar studios biblic con personas interessate.

Alsi io habeva contacto con un Bahai que veniva
del Paraguay... Si, ille e su matre esseva Bahais,
ma io non sape si ille esseva tante fidel a su fide
proque imbibeva tanto como le altere sub-graduatos
(under-graduates) in le universitate... Le facto que
Jesus mesmo bibeva vino es ration bastante pro
me pro pensar que le uso de bibitas alcoholic in
moderation debe esser acceptabile in respecto
a le credentias Christian... ma io sape que il es
alsi un triste realitate que le uso de iste substantia
pote esser abusate e pote causar multe suffrimento
e dolor non solmente pro le imbibitor ma pro su
familiares tamben. Le facto que alcunos de nos
pote devenir addictos e alteres non ha necun
problemas es comparabile in mi mente al facto
que alcunos ha allergias a varie substantias e
le consumo de illes substantias pote causar
grande problemas... le ration al fundo se bassa
in nostre imperfection.

Ma regresante al thema del Bahais, io es multo
impressionate con le exemplo de fide que illes
demonstrava in le facie del persecution que illes
suffreva in Iran e paises arabic. Un testimonio
tamben del fortia del spirito human pro superviver
le abusos inique de personas inhuman contra su
proximo.

Sincer e amicalmente,
Jay B.

-----Original Message-----
From: Kjell Rehnstrom <[log in to unmask]>
To: [log in to unmask] <[log in to unmask]>
Date: Saturday, October 10, 1998 1:19 PM
Subject: Bahai - un interessante experientia


>Si on es interessate in interlingua como un auxilio in le contactos
>international il es satis natural si on plus minus tarde veni in contacto
>con le religion baha'i. Iste religion, con le precursor Bab (Porta),
>Baha'u'llah (Splendor divin) e Abd'ul'baha (Le Servitor del Lumine) es nunc
>divulgate in quasi omne paises del mundo e ha plus que sex milliones de
>adherentes.
>
>Secundo le baha'is omne religiones es manifestationes de Deo e le
>revelationes de Baha'u'lla es le ultime in un fila in le qual precursores
>es Buddha, Jesus, Mohammed e alteres.
>
>Il es obvie que le inseniantias es multo influite per le situation
>religiose in iran del 19e seculo. Il basta que on compara le titulos como
>_Baha'u'llah_ que es formate in le mesme maniera que _ayatollah_ (on
>poterea scriber _ayat'u'llah_.
>
> Si on ha facite cognoscentia con descriptiones de islam shiitic on
>recognosce multo in le religion baha'i, ma le baha'is sublineava con
>emphase que isto non es un "secta islamic" como dice mi encyclopedia.
>
>Le question de un lingua mundial al latere del lingua maternal del baha'is
>es un del multe objectivos pro le qual on labora.
>
>Le religion es sin pastores. Cata credente pote interpretar le scripturas.
>Pro isto on es in favor de un schola elementar pro omnes. On ha su proprie
>calendario e su proprie festas.
>
>Le incontro in le qual io participava in Uppsala era multo interessante e
>forsan le plus international incontro que io ha vidite durante multo
>tempore. Ibi non era solo svedeses e iranianos sed etiam personas de
>Eritrea e alcun altere paises.
>
>Le Baha'is es personas multo quiete e tolerante. Le sol instantia in le
>qual io poteva notar un altiamento de alque simile a aggression era quando
>io demandava si il non poterea esser possibile que on haberea mal lideres.
>Io manteneva que il sembla esser multo facile que un bon cosa es
>sequestrate per mal personas.
>
>Io legeva con grande interesse un libro Horizonetes radiante per Sverre
>Holmsen (in svedese, forsan loco pro un interlinguification), que describe
>le religion desde le comenciamento con le apperation de Bab como un specie
>de Johannes le Baptista per Baha'u'llah como un correspondente a Christo es
>Abd'u'lbaha como un specie de Paulo.
>
>In un del scripturas que io me procurava io legeva le sequente multo sage
>allegation: "Si le religiones es usate pro divulgar lo mal, il es melior
>que on non del toto ha religiones."
>
>Le religion baha'i non approba le uso de bibitas alcoholic. Io legeva alque
>in iste stilo alicubi: "Non face te ebrie per biberages alcoholic ma
>inebria te plus tosto per le experientias spiritual del gloria de
>Baha'u'llah."
>
>
>On pote dicer que baha'i es le euro del religiones...
>
>Mesmo si vos non es credentes in un deo io recommenda que vos face
>cognoscentia con baha'i, un multo interessante tenere religion...
>
>Religionalmente
>
>
>
>
>[log in to unmask]
>Kjell Rehnstroem
>Vaenortsgatan 87
>S-752 64  UPPSALA
>Svedia - Sweden
>