Ingvar Stenström, Varberg wrote:
>
> Car amicos,
> Recentemente Alix Potet, su soror Madeleine (secr.de UIF)
> e su sposo prof. (de informatica) Jean-Pierre Elloy ha visitate
> prof. Martinet e facite un longe interview registrate per magneto-
> phono.  In illo prof. Martinet dice clarmente que le causa de su
> partita de IALA esseva simplemente que ille (M.) esseva offerite
> tres professoratos (le sposa expectante un baby prefereva le SUA)
> e que le "controversia" esseva ni grave ni essential.
> Mi prof. de phonetica, Dr Bertil Malmberg del Univ. de Lund, qui
> cognosceva Martinet, diceva lo mesme.  Le "conflicto" es un invention
> de esperantistas e de occidentalistas, qui *desirava* que le grande
> linguistico Martinet esseva in disaccordo con Gode.


Ho! la la!  Antea de accusar le esperantistas e le occidentalistas, on
deberea assusar nos ipse... Vide hic infra lo que es scribite in
Interlingua.com :

http://www.interlingua.com/historia.htm

hic un extraxto copiate :

" Le parlatores anglo-saxon e non-romance
generalmente prefereva le variante P, le variante elaborate plus o minus
per dr. Gode, qui esseva german per nascentia e
american per selection, e le franceses prefereva le variante M, le
modello favorite e offerite per dr. Martinet, un francese. Le
franceses monstrava anque un tendentia verso le variante C, que esseva
plus proxime al M que al P. Dunque, le solution
pareva esser un compromisso inter le P de Gode, le M de Martinet, e le
variante C, lassante foras de consideration le variante
K, le forma preferite per sra. Morris, le esperantista.

Le publication de interlingua

Il habeva nulle secreto que Gode e Martinet teneva opiniones differente,
e esseva obvie un hostilitate inter illes. Martinet anque
dubitava del capacitate del IALA de poner su projecto in uso practic. In
consequentia, in 1948 professor Martinet se
dimitteva del direction del IALA qual posto esseva offerite a dr. Gode,
qui se poneva con su equipa producer le lingua final,
que combinava le optime characteristicas del variantes P e M, e producer
un grammatica e un dictionario, utilisante le
resultatos de lor vinti-quatro annos de recerca in linguistica
comparative e pedagogia linguistic."

----

Io ha apprendite in iste articulo hic supra que il habeva un conflicto
inter Martinet e Gode. E como io non ama de toto lo que Gode scribe in
su "Manifesto", io pensava seriosemente que Martinet, como linguista,
habeva rationes bon de haber conflictos con Gode. (Totevia, mi pensatas
personal in re Gode non importa e io non vole crear un nove tremor de
terra con mi opinion personal. Io vole solmente dicer nunc que le
conflicto inter Martinet e Gode es un facto que on pote legir in
Interlingua.com, e non un facto de un propaganda anti-interlingua)

---

Amicalmente,

Anne

--
Anne Bürgi - 640, McGregor, App. 406, Sherbrooke, QC, Canada. J1L 1V7
tel.: -- 1 819 573 0068
e-mail: [log in to unmask]