LE INITIATION DE UN OBRA LINGUISTIC EXTRAORDINARI
Le Parve D.E.U.
Le linguas national- traditional, iste creationes spontanee del populos, le
plus grande triumpho del intelligentia human, forma insimul un bouquet
exquisite de flores del cultura que debe esser guardate e cultivate semper con
le plus grande cura, sin dubita.
Per disgratia tamen, in le relationes international, iste quasi
illimitate varietate lingiustic constitue, al mesme tempore, le mal
decepite permanente del humanitate al qual non se ha trovate ancora un
remedio rational efficace o, melio dicite, on non ha arrivate a un
consentiamento unanime de utilisar in comun le optime inter le plus
ingeniose medios de communication linguistic proponite.
In iste situation labile, disproviste de decision competente, un
interlinguista modeste, ma con firme confidentia in le qualitates
potential de Interlingua, spirito generose-optimista, cosmopolita e
encyclopedic - Professor Toma Macovei de Romania - audac
iava initiar un obra exite del comun : un dictionario substantial,
utilisabile facilemente per omne homines instruite del mundo. Isto non es
altere que le dictionario encyclopedic de Interlingua, cuje parolas,
seligite scientificalmente, secundo le principio de maxime naturalitate e
internationalitate, son facilemente recognoscite e inseniate de tote le homines.
Il se age de un obra gigantesc, sed le qual merita omne effortios.
Le Parve D.E.U. se concipita como le union substantial de duo obras
funndamental: le Dictionario Encyclopedic de Interlingua (D.E.I.),
elaborate antea per Toma Macovei, con celle 27000 terminos ab I.E.D
secundo le modello del Petit Larousse, in le qual se integra celle 12500
neologismos e le collection de milles de combinationes de parolas, de
expressiones e locutiones ab le Dictionario Interlingua-Nederlandese
(D.I.N.) per Piet Cleij.
Le initiator de ist obra scientific exceptional, invitante le autor del
D.I.N. a colaborar, pro un plus rapide e complita realisation sue, in su
responsa, le Secretario General del U.M.I. recognosceva le importantia a
parte de iste projecto audaciose e que iste collaboration le seduce, ma
ille non pote ingagiar se effectivemente pro duo motivos: uno ben
sceptic, non habente le certitude que un assi grande interprisa
humanitari on pote conducer lo usque a bon fin.
E alora le initiator del Parve D.E.U., plus optimista e con un
confidentia indefectibile in le possibilitates insolite de Interlingua,
comenciava a traducer in vita iste grandiose idea per su modeste medios.
In realitate totevia, le collaboration del autor del D.I.N. es
assecurate, al minus virtualmente, per le contribution a parte preciose
includite in illo e per le appoio que ille, in su qualitate sentral in
U.M.I., potera accordar al realisation definitive e al popularisation de
iste obra monumental e unic.
Travaliante postea con passion irresistibile, le initiator del projecto
ha elaborate jam in qualque menses le quarte parte del lexicon (le
litteras A-C) e tosto ha continuate le secunde quarto (le littera D) que
progrebe miraculosemente.
Naturalmente, iste prime proba de un tanto importante obra scientific debe esser revidite e pauco completate de linguistas competente e con amor a parte pro Interlingua, sed, secundo le experentia accumulate, le initiator spera que durante al plus duo ann
os, Le Parve D.E.U. sera consummate.
Le intrepride initiator no ha timor de concurentia, nam il es pauco
probabile que va apparer un altere amator ben disposite a ingagiar se in
un labor tanto immense e  minutiose, disproviste del conditiones ben
favorabile in le quales le prime labora (grande e total confidentia in le
triumpho de Interlingua e tempore libere quasi ilimitate qua pensionario
sin obligationes). Collaboratores por le revision e le complition del
partes ja elaborate son desirabile, sed ille es convincite que istes va
apparer a mesura que, per un popularisation adequate, le homines se
convincera del seriositate e del importantia insolite de iste obra singular.
Finalmente, si toto ira como concipite, iste interprisa va representar le
plus pertinente hymno de gloria dedicate a Interlingua. Un parve D.E.U.
ben realisate e disseminate al mano de omne amatores de information
ample, competente e facilemente obtinibile del mundo va marcar le culmine
attingite in practica de Interlingua, prestigio ben meritate secundo su
meraviliose qualitates, incontrate in nulle lingua existente o futur.

Le initiator del Parve D.E.U.
Toma Macovei