========================================
CONFESSIONES DE UN ESPERANTISTA DISLOYAL
========================================

---------------
1  INTRODUCTION
---------------

Allan Kiviaho 981208:
Amicos interlinguanistas! Io pensa que iste discussion que
era initiate per Kjell Rehnstrom es multo interessante. Io
ha colligite le discussion a un essayo e spera que le
debatto va continuar. Quando le discussion es finite nos
poterea forsan adder isto a WWW.INTERLINGUA.COM como
material pro leger de nove e prospective interlinguanistas.

Assi, gentilhomines: Contributiones!

Kjell Rehnstrom 981125:
Le facto es que esperanto es mi prime lingua estranier.
Io lo apprendeva in un juvene etate. Io de facto
apprendeva esperanto in 1951, le anno in le qual
interlingua era publicate in Nove York, ma io non sapeva
de isto!

Mi contacto con interlingua occurreva plus tarde in le
vita. Jam del comenciamento io poteva leger textos general
in interlingua sin dictionario. Lo que exigeva labor era
le activisation del lingua!

Mario Malaguti 981125:
Gratias Kjell, iste es le lista!

Car Amicos,
heri Stan, hodie Kjell R. con su "Confessiones de un
esperantista disloyal". Io non ha parolas pro regratiar.
Iste pro me es spirito de corpore, placer de gruppo,
voluntate de affirmar nostre convincimentos. Io es un
enoio, io lo ha jam asserite.

Kjell 981126:
Io ha al minus probate non laudar interlingua in iste
lista, viste que nos omnes qui usa interlingua, sape de su
avantages. Ma pro informar un novicio il pote esser senso
in explicar le differentias inter esperanto e interlingua
in le maniera in le qual io los vide. Io me gaude multo,
que mi "confessiones" te placeva.

Mario 981125:
Totevia declarationes pro interlingua como illas de Kjell
non son comparite in iste lista de quando io me ha
inscribite. Io crede de non recordar mal.

Alora existe le gruppo e forsan nos potera operar insimul
pro interlingua. Le analyse de su experientias per Kjell
son un contribution preciose e pro me non basta dicer
isto, ma io ha necessitate de demandar vos: "Ubi ha vos
publicate un illustration de interlingua equalmente
efficace?"

Venerdi proxime io intertenera Maria Teresa e su duo
amicos chilen con plus convinction, gratias a Kjell e a
Stan. A Treviso un docente de schola de arte italiana,
Maria Teresa, me facera incontrar le duo chilenos, illa
maestro de musica, ille operator in le computatores.

Illes son interessate a interlingua.
Replicara Michele G.?
Pro me es importante seminar.
Io face quanto io pote e amarea vider plus fermento, plus
voluntate de initiativa, minus gemitos pro le moneta que
manca.

--------------------------------------------------
Como on pote disseminar interlingua sin le moneta?
--------------------------------------------------

Kjell 981126:
Le multo stimulante cosa es como on pote disseminar un
idea, como interlingua, SIN le moneta. Con 18 milliones
de dollars US un cretino poterea disseminar interlingua in
Europa. Le defia es como on lo face sin iste "dorsos
verde" (le greenbacks, como on dice in anglese).

Mario 981125:
Illo que manca non serea le ideas?
Kjell nos ha scribite: "Nos debe memorar, que lo que nos
non cognosce, non existe pro nos."
Fortia UMI! [Kjell 981126: De accordo 100 %]