Kjell Rehnström wrote:

> Secundo un universitate britannic le sauros - essente le precursores del
> aves - era bestias con belle colores que sonava multo bello - como aves!
> Crede isto, qui vole!

Le idea que le sauros non era iste lacertas stupide e ponderose lo que
on imaginava previemente, ma que illes era plus similar al aves moderne,
non es nove. Hodie, il ha paleontologistas qui crede que le (o al minus
alicun) sauros habeva sanguine calide, que illes construeva nidos e
guardava lor infantes attentemente, que alicun species viveva in greges.

Iste imagine nove del sauros ha essite popularisate per le roman
_Jurassic Park_ de Michael Crichton. (E per le film, ma le film non es
tante explicite super le biologia del park jurassic.)

Un paleontologista qui supporta iste theorias es Dr. Robert T. Bakker.
Ille ha scribite un libro, _Raptor Red_ (1995), que se tracta de un anno
in le vita de un sauro -- un juvene utahraptor feminin, pro precisar. Io
ha scribite un recension de iste libro (in anglese), vider
<URL:http://home.pages.de/~naddy/reviews/RaptorRed.html>.

Esque vos vos rememora del velociraptors in le film "Jurassic Park"?
Istos era le sauros carnivore que chassava le infantes in le cocina. In
facto, le velociraptors era minus grande que istos del film, ma le
director trova que in grandor original illos non serea assatis
terrificante, e los ha facite plus grande. In pauco postea le film era
finite, on ha vermente trovate fossiles de un specie de raptor plus
grande que le velociraptor, tante grande que le raptors in le film.
Postea le region ubi le fossiles era trovate on ha nominate iste nove
specie "utahraptor".

carnivoremente,
--
Christian "naddy" Weisgerber                  [log in to unmask]
  See another pointless homepage at <URL:http://home.pages.de/~naddy/>.