Subject: | |
From: | |
Reply To: | INTERLNG: Discussiones in Interlingua |
Date: | Sun, 15 Aug 1999 17:33:33 +0200 |
Content-Type: | text/plain |
Parts/Attachments: |
|
|
Car amicos,
io creava un forum in linea super Delphi. Illo se appella: "Humorismo ...in
Interlingua". Nos usara iste placia virtual como nostre loco de incontro pro
condivider contos humoristic e facer de illos un collection. Un collection
de burlas international pro commun amusamento e pro apprender Interlingua...
A latere del "tabula del messages" (message board) vos potera rapidemente
vider le "camisas" (folders) in le columna de sinistra e leger usque a 20
messages in le mesme tempore. Vos potera mesmo attachar archivos (files)
como per ex. photographias e programmas) directemente al messages, justo
como le E-Posta. Isto es veloce, facile e efficiente. Como hoste
(responsabile), io controla le character specific del forum. Le altere
optiones include "Chat" in tempore real, avisos, e paginas web connectite.
Io pote anque seliger si conservar iste forum public o private. Io seligeva
de render iste forum public, assi quicunque super Delphi pote participar.
Assi, senti vos libere de dicer a altere personas que iste forum existe.
Le via melior pro pervenir a iste forum es sequer le sequente URL:
http://www.delphi.com/burlas. Il ha milles de forums super Delphi.
Vos pote usar le function personalisabile "My Delphi" a http://my.delphi.com
pro esser informate directemente in re nove messages in iste forum.
Importante: pro provider servicios personalisate e controlo del accesso, vos
necessita perscriber un veloce registration, si vos nunquam usava Delphi
antea. On necessita solmente poc minutas, e illo es gratis! Io es semper
disponibile a audir vostre commentos e suggestiones.
Naturalmente le messages debera esser in Interlingua, ma si alcuno vole
scriber in un altere lingua de diffusion mundial, vole sentir vos libere de
facer lo. Io tamen exhorta vos a apprender usar Interlingua. Illo es un
lingua facile!
Car salutes.
Paolo Castellina
Paolo Castellina,
Montaccio, CH-7605 Stampa GR
Confederation Helvetic
E-Mail [log in to unmask]
|
|
|