Car Mario!

Stai calmo! :-) Io non del toto vole censurar tu action de promover Interlingua!
Obviemente tu va esser successose in trovar nove interessatos, sperabilemente
personas active qui tamben va haber actiones positive pro Interlingua.

Sapiente isto, io NON te diceva: "Interrumpe tu activitates!"; io simplemente te
diceva "Sia caute!"

Perque io te lo dice? Io ha un conto gratis in Hotmail, per exemplo, que -- sin
exaggeration! -- deveni incombrate de messages de interprisas qui ha discoperte
mi adresse e me invia messages commercial non sollicitate. 1, 2, a vices 5 o 6
messages per die!!!

Isto es cognite como SPAM, bulk mail, etc. Isto es un ver plaga que afflige le
Internet!

Oh, le messages sempre dice "pro remover tu adresse de nostre lista de posta,
invia un message de e-posta al adresse [log in to unmask]"... Ma multe vices isto
es un deception, isto es solmente un trappa pro detectar contos ACTIVE (detra le
quales il ha alcuno qui LEGE le messages) -- e VENDER los a altere
interprisas... :-(

Io SAPE que tu non age assi. Ma... como le altere personas (qui non te cognosce)
pote saper lo? Como illes pote saper si ille invitation a remover se del lista
de posta non es un trappa de alcun interprisa mal-intentionate? Como illes pote
distinguer tu inoffensive publicitate pro Interlingua de un maledicte SPAM?

Io spera ora que tu comprende mi intention. Io spera que tu es successose.
Nostre objectivo commun es diffunder Interlingua. Ma... sia caute con iste
methodo de divulgation! Illo pote levar iras contra nostre car lingua.

Amicalmente,
Ensjo.

P.S.: "Muchas gracias", Jay, pro le parolas de comprension. ;-)