Amicos!

Mi computator domestic comenciava presentar alcun problemas, e io lo
portava al "assitentia technic". Assi io desde le vigilia de Natal non pote
accessar mi conto [log in to unmask]

Le problemas non ha apparite totes a un sol momento, ma le ultime problema
me ha OBLIGATE a prender un attitude:

   Le no-break ha fumate post le cadita de un fulmine.
   Le carta de sono non sona musica de CDs normal de audio.
   Le impressor colorate comenciava presentar fallias in le impression con
   tinta nigre.
   Le carta de FAX/MODEM non succedeva ascoltar le linea telephonic.

Como vos vide, iste ultime defecto es multo impactante pro me, perque illo
me impedi totalmente de accessar le Internet via mi providitor NAUTILUS.

Assi, si alcuno me ha inviate e-postas directemente a mi adresse NAUTILUS,
o a listas ubi io es abonate solmente con mi conto NAUTILUS (IL_STRAT,
COOLLIST, etc.), io non ha potite leger iste messages.

Al travalio io dispone de iste conto [log in to unmask] (abonate
a INTERLNG), ma nulle accesso al web. Assi io tamben non habe accesso al
foros DELPHI.

Io spera que mi computator sia OK tosto...

...e que vos totes habe un bon festa de ANNO NOVE!!! :-)

In le vigilia de Anno Nove, nos habera un festa a casa de mi fidantiata
Rosana. Le modo que nos seligeva pro facer le distribution de presentes
esseva le joco "amico invisibile", o "amico secrete". Isto functiona assi:

Nos scribe nostre nomines in parve papiros. Plicate, le papiros es ponite
in un sacco. Cata persona tira un papiro ab le sacco. Io -- sin fraude, io
jura! -- ha tirate le nomine de Rosana. Assi, io es le "amico invisibile"
de Rosana. Illa va ganiar un presente de me, ma illa non lo sape. Totes
debe mantener le nomine de su "amico" in secreto usque le die del livration
del presentes.

Cata persona scribe in un lista le optiones de presentes desirate (circa
tres, comprabile a un precio rationabile, obviemente). Nos ha stipulate un
valor minime de circa R$15,00 (dece-cinque reales). (Io non es attente al
cambio, ma io suppone que R$1,20 = US$1,00.) Iste lista es optional. Le
participantes pote decider que le presente debera ser seligite per le
"amico invisibile" mesme.

Rosana ha petite un libro nove de Jô Soares o un blusa. Io va comprar le
libro, perque io non es bon in seliger vestes.

Io ha petite un CD nove del cantatrice italian Laura Pausini ("La Mia
Risposta"), o "WAR II" (un optime joco de tabuliero), o "Banco Imobiliário"
("Monopoly"?). Io crede que io va ganiar le CD, a causa del precio. :-) Un
bon CD costa circa R$20,00, durante que WAR II costa quasi R$50,00!

In le die del livration del presentes, tote le presentes es ponite super un
tabula. Nos selige un persona pro comenciar. Ille dice alcun "detalios" de
su "amico", a fin que le alteres tenta divinar qui es ille. Al fin, ille
declara le nomine del amico e le livra le presente. Post exhiber le
presente al alteres, il es le vice del recipiente de dicer qui es su
"amico".

Io va exir ora pro comprar le libro de Rosana.

CIAO!!!

Amicabilemente,
Ensjo.