Car senior Romanenko,

Ante plure annos le UMI ha create un FUNDO pro EUROPA ORIENTAL
(FE0) que financia le invio de libros in interlingua a personas seriosemente
interessate in interlingua e habitante in paises ubi le transferimento de
moneta al cassa del UMI e al cassa del Servicio de Libros non jam es
possibile.

Le qualitate del linguage que vos usa in vostre message monstra vostre
interesse in interlingua. Pro iste ration le FEO vos offere alicun libros
fundamental pro le bon apprension de interlingua, p.ex. le "Interlingua-
English Dictionary (IED)", le "Grammar" per Gode e Blair, e le
"Dictionario Concise Interlingua-Russo" per Victor Tchernavski.

Si vos accepta nostre offerta, io vos invita a informar me per posta
electronic e a mentionar in vostre message vostre adresse in Moscova .

Salutes amical de Piet Cleij,
Administrator del FEO