>Terry demandava del parola interlingua pro anglese
>_grasshopper_
>in svedese isto es
>_grdshoppa_
>Mi dictionario svedese anglese dice:
>grdshoppa = grasshopper (biblicamente e concernente Africa e Asia) locust
>
>(subconscientemente io memorava le parola _locust_ e cercava in le
>dictionario interlingua-svedese de Ingvar Stenstrvm, ubi io trovava:)
>locusta = grdshoppa (= grasshopper).
>
>Il es clar que nostre svedese locustas non es le mesme genere, forsan mesmo>
>non ordine (que sape io ma io pensa que _locusta_ pro _grasshopper_ es
>toto in ordin>e.

>Kjell [log in to unmask]

Io opina que in anglese "locust" es un special specie de "grasshopper",
o saltatores migratori pertinente al familia de Acrididae.  Istos esseva le
"locustas" del Biblia.  Illes
appare in grande *examines (fr. essaim, esp. enjambre, it. sciame < lat.
examen o lat. vulg. examine; angl. "swarm") mangiante tote plantas in lor via.
Le IED lista "locusta" como le "grashopper" (=member of the family Acrididae
exclusive of locusts).  Io opina que "saltator" es plus generic e include
le locusta intra alteros.

In le historia de Utah, post arrivar in le Valle de Salt Lake (Laco de Sal)
le 24 de julio de 1847, le pioneros mormon habeva quasi exhauste lor
nutrimento portate con illes in lor migration trans le continento.
Illes immediatemente commenciava crescer recoltas.  Alora subitemente un
grande examine de "locustas" pareva, menaciante lor recoltas e lor
nutrimento pro le hiberno sequente.  Illes precava a Deo pro lor salvation
del "locustas", e quasi immediatemente il pareva un grande "examine" de
laros, qui devorava le "locustas".  Iste laros esseva laros californian
habitante le vicinitate del Grande Laco de Sal.  In lor gratitude le
mormones ha erecte statuas de laros in bronzo, commemorante lor
salvation del locustas. Vos pote vider un tal statua al campo del Templo
Mormon in Salt Lake Citate.

Le "locusta" que menacia le recoltas del mormones non es un ver locusta.
Illo es in veritate un grillo grande (circa 10 cm longe) hodie con le
nomine "grillo mormon".  Illo es de color nigre brunesc.  Io ha vidite
illos, non in le grande examines que menaciava le mormones.  Le laros
californian es multe commun. Al campo del Universitate de Utah ubi io
recipeva tote le education mie, nos frequentemente videva le laros,
qui examinava supra nos pro mangiar le residuos de nostre lunches.

Io suppone que le laros ha devorate le grillos mormon pro milles de annos.

Stan Mulaik