Le description que Ignacio faceva de ETA es interessante tanto como le
description de Ignacio que vos omnes ha facite. Io es impressionate!

Io non me recorda si io unquam scribeva del rebellos in Svedia. Illes era
un secta maoista le qual si le situation politic in Svedia habeva essite
tornate un pochettetto in un altere direction haberea potite devenir un
terribile gruppo terrorista. Nunc omnes deveniva rational e retornava al
vita normal ante que troppo salvage aberrationes habeva commenciate.

Le scriptor Thorbjörn Säfve scribeva un libro Rebellerna que schizza lor
historia. Interessante lectura pro omnes qui lege le svedese.

Al presente iste scriptor habita un Luleå (in Svedia nord) ubi ille scribe
romances, pecias pro le radio e altere cosas. Il ha etiam declarate que
ille nunc es muslem, adherente a un direction liberal del fide.

Ultimo io le audiva in un epistula sonar al radio ubi ille diceva que ille
non voleva votar, viste que le politicos non ha poter contra le
capitalistas. E le Union Europee era un congregation fascista! Guai, on a
vices es mirificate pro le compasse per le qual certe homines dirige su
vita....


Io tentara trovar le numero de El Pais del qual tu scribe sive in le rete
sive in le bibliotheca municipal, quando io ira ibi pro retornar alcun
libros que io ha obtenite via presto interurban.

Nunc io me preparara pro viagiar a Stockholm al incontro de interlinguanos
ibi. Sperabilemente plures veni, viste que Bertil ha retornate....

Nos ha sol 8 grados e iste nocte il era sub zero in multe locos in iste pais!



Kjell [log in to unmask]
Kjell Rehnstroem
Vaenortsgatan 87
S-752 64  UPPSALA
Suedia - Sweden