Car sr. Kondrak:
        Felicitationes sur vostre discussion del 16 de januario del
similaritates e differentias inter interlingua, espaniol, e italiano.  E
felicitationes special sur vostre "Quando a Roma..." in le numero de
novembre-decembre de _Panorama_.  Vos da bon exemplos del valor e uso
practic de interlingua mesmo per un singule individuo e mesmo quando le
numero de parlatores de interlingua es ancora parve.  Experientias como le
vostres es exactemente lo que nos interlinguistas debe accentuar in nostre
propaganda.
        Le membros de INTERLNG debe saper que illes pote leger vostre
articulo a http://www.interlingua.com/pano60-7.htm#quando a Roma...
                        Salutes,
                        Leland Yeager