Car amico,

Io legeva ante alicun minutas tu interessantissime message in lequal tu
dice:
>Ma nunc a mi problema:
Quando on revela a varie gente que on se occupa de interlingua, le
reaction es quasi sempre le mesme: "Interlingua? - Es illo como
esperanto?" E on debe explicar (un poco defensive): "Si e no, per
que..." Il pare que omnes ha su conception fixe re esperanto como
"lingua synthetic e totalmente morte", e interlingua es immediatemente
placiate in le mesme categoria, mesmo per personas qui ha nunquam audite
de illo.
Isto es un infelice facto.  Homines ama multo parlar de cosas in re
lequales illi nunquam verificava e se lassa conducer per le movimento
general del alteres.  Solo homines in le ver senso del parolas succede a
discoperir le veritate.

>- Como pote on dunque presentar interlingua in un maniera que chassa
via tote le dubitas de personas prejudicate per cognoscentias (ver o
false) de esperanto? Esque alcuno de vos ha un idea?
Mi idea serea utilisar le lingua, sia per lecturas (monstante libros e
revistas in le lingua international a tu amicos), sia per
correspondentias (monstrante le inveloppas a tu amicos), sia per
photographias de amicos interlinguista que tu poterea incontrar tra tu
viages international.

>E como debe nos in in effecto star in relation al esperantistas? Es
illes nostre inimicos o nostre amicos? Nos ha forsan differente medios,
ma le mesme scopo, nonne?
Io spera amicos nam io es un "malevolente esperantista" como un
interlinguista me diceva un vice.  Le philosophia de interlingua es
totalmente differente del philosophia esperantista.  Le ambition de
interlingua es visualisar le latinitate inherente al mundo occidental in
altere parolas esser le representate del cultura occidental grecolatin,
dum le spero de esperanto es crescer como lingua independente e esser
utilisate como un lingua-ponte, non per omnes nec pro omne relationes
international, sed que omne homines sur le terra sape que illi pote
apprender esperanto pro communicar con altere culturas.  Illi funge
ambes in lor scopo respective, in mi opinion.
Io dice le spero de esperanto: de facto il ha plure tendentias, sed io
opina que illo del pacifismo cadeva.  Le movimento esperantista non es
le mesme que in le inception del vintesime seculo.

Ma Stan scribeva:
>Le esperantese opina que le mundo debe esser unificate con un lingua,
>de facto, sin un lingua le unification e pace es impossibile.
Io non sape si tu ha probas in re isto.  Il ha plure esperantistas qui
non son pacifistas, forsan un plus grande proportion, sed io non me
aventurea a dicer omnes ("le esperanteses" significa ben omnes nonne?)
Mesmo dicer "generalmente" isto serea nimie temerose.  Le associationes
national e international se preoccupa plus tosto del derectos linguistic
e del problema linguistic.

>Ora io opina que on pote dubitar le assumption que le mundo
>necessita un sol lingua pro arrivar al pace.
Multe esperantistas serea in accordo con iste phrase, mesmo le plus
active.  Io comprende que on pote incontrar alicun esperantistas un pauc
nimie illuminate, sed isto non significa que le cetere communitate
(plure centenas de milles de homines) es identic.


Amicalmente vos saluta

Marteno Lavalea
http://www.angelfire.com/or/esperantotekstaro/index.html

______________________________________________________
Get Your Private, Free Email at http://www.hotmail.com