Kjell R saluta omnes!

Stan refereva un scriptor qui es negative al critica contra esperanto que on vide sur le pagina domestic de interlingua in re rete. Io es de accordo, sed como Ove remarcava, il non sempre es possibile desister de isto, viste que homines frequentemente non sape le differentia. Pro isto il es importantissime que on monstra TEXTOS in interlingua e describe lo que face interlingua. 
Un problema es que certe del argumentos in favor de interlingua pote etiam esser usate pro esperanto, e in iste caso il pote esser necessari usar un poco de comparation. Le risco tamen sembla esser como in le politica, que on tende criticar le contrarios in vice de parlar in favor del proprie politica, pro assi dicer. 
Le veritate es que interlingua e esperanto labora pro le mesme scopo in iste senso que on vole provider le non-possessores native de un del linguas mundial per un bon substitution de un tal lingua. In iste caso IO pote penesar que interlingua implementa iste rolo melio que esperanto. Un persona qui solo ha apprendite esperanto naturalmente non comprende isto, sed isto  - del altere latere - es un altere historia.