Subject: | |
From: | |
Reply To: | INTERLNG: Discussiones in Interlingua |
Date: | Thu, 25 Mar 1999 12:27:40 -0500 |
Content-Type: | text/plain |
Parts/Attachments: |
|
|
Stan scribeva:
>Esteban,
Rememora que in Germania in 1940 Hitler esseva grandemente popular. Si
o non Milosovic es popular, le facto es que a usar tanks e artilleria
contra civilianos noncombative, a arder lor villages quando o non le
habitantes ha partite, solmente proque illes es albanianos, es mal.
Le opinion del paises in OTAN es que le guerra ethnic es un periculo
contra le stabilitate e pace de Europa que illes non pote tolerar. Io
pote recognoscer que le ALK ha essite a vices "terroristas", mais le
serbos esseva terroristas in Bosnia (con le appoio de Milosovic), e
le armea de Serbia es "terroristic" quando illo attacca civilianos
con tanks e artilleria. Le sol via a prevenir iste conflicto ethnic
de accrescer e devenir un guerra major in Europa es a intervenir e
separar le duo lateres.
Stan<
Stan,
io es totalmente de accord con lo que tu dice. Io solmente voleva indicar que le
populo serbe es parte del problema nam il appoia Milosevic e su actiones
disgustose. Non es interessante que durante le guerra ethnic in
Bosnia-Hercegovina le inactivitate del OTAN era criticate del communitate
mundial, ma quando OTAN decide definitivemente interprender solutiones
preventive in Kosovo, il ha tamben criticas. Hic in Cleveland il habeva un
demonstration contra le "guerra" in Serbia. In mi opinion, iste gente non
comprehende que le attacos contra Milosevic nunc evitara un catastrophe
sanguinari plus tarde. Io non crede que le majoritate del mundo desira le
guerra, ma il es infortunatemente necessari in certe casos.
Esteban
|
|
|