Le sequente es un redaction de un traduction del currente EURO MP de 5
martio.  Commentos es cercate.

>>>>>

EXPELLER LES!

Extensive reforma de regulas del PE significa que europarlamentarios qui
falle a conformar se a alte standards pote esser expellite.

Labor europarlamentario Richard Corbett ha proponite reformas basate super
le provisiones del Tractata de Amsterdam. Totevia un reporto que ille va
presentar in Strasbourg usa le opportunitate a stringer le standards de
responsabilitate financial.

Presidentes de committees e altere tenentes de officio qui es culpabile
de 'comportamento mal' essera facie a facie con dimission de officio
secundo le nove reformas.  Europarlamentarios qui falle a compler un
registration de interesses financial post le election pote esser blocate
de prender lor sedes.

Presidentes de gruppos omnipartitari debera declarar le appoio e financial
e altere que illes recipe - e tote le europarlamentarios debera registrar
beneficios recipite de 100 euros o plus.

Le reporto veni sequente le approbation del Partito de Socialistas Europee
a su congresso in Milano le septimana previe de mesuras a assecurar que
tenentes de officio public observa le standards le plus alte.

Le cambio in le regulas va significar equalmente que le Parlamento Europee
in le futuro va eliger Presidentes del Commission super le base de
propositiones ministerial.  In le futuro, le senior o seniora "Politica
Estranier" va equalmente esser capabile de addressar se al sessiones
del Parlamento.

DISCUSSIONES TRANSPARENTE

Europarlamentarios e jornalistas va facer causa commun in un conferentia
super le transparentia organizate con le appoio del Gruppo Socialista.

Svedese leader social democratic in le PE, Maj-Lis Loow va esser un
figura central in le discussiones organizate per le Federation Europee de
Joranlistas e Controlo del Stato con appoio de alcun gruppos politic
europarlamentari.
Le euro-ombudsman Jacob Soderman, le Commission e le Consilio va esser
representate in discussiones con jornalistas e academicos.

Applicantes pro documentos del UE - includente Tony Bunyan, John Carvel
e Steve Peers - va facer contributiones.

Le Gruppo Socialista ha essite al testa del campania pro accrescite
transparentia in affaires del UE - specialmente in le deliberationes del
Consilio - e ha dirigite le le Parlamento Europee a associar se con un
action de corte prendite per le jornalista del jornal in le UK le Guardian,
John Carvel.

SPERA EUROPEE SUPER MALADIAS RAR

Incentivos europee a incoragiar le disveloppamento de drogas pro tractar
plus que 5.000 maladias rar essera urgite in un debatto super le si-nominate
"drogas orphano".

Le industria pharmaceutic es reluctante a disveloppar le drogas proque
le investimento e costos administrative non es recuperite de venditas al
parve numero de gentes afflicte per le maladias.

Incentivos ora proponite includer dar a firmas derectos de mercato exclusive
in le UE pro nove drogas pro usque 10 annos. Incentivos de taxation poterea
esser providite pro proceduras administrative simplificate e exemption de
derectos de registration.

Socialista italian Elena Marinucci es le portavoce del Gruppo Socialista
super le reporto.

PROPOSAL A AVERTER LE CRISE DEL PACE IN LE ORIENTE MEDIE

Le rolo de Europa in averter un crise in le processo de cercar le pace in
le Oriente Medie es accentuate in un reporta per le leader italian socialista
in le PE, Luigi Colajanni.

Le approchamento del data ultime del 4 maio establite in le Accordos de Oslo
pro le conclusion del processo de pace, jace al corde del preoccupationes de
Sr. Colajanni.  Le Presidente Palestinian Yasser Arafat ha indicate su
intention de proclamar le nascentia de un stato independente a aquelle data.

Le reporto de Colajanni recognosce le derecto del Palestinianos a declarar
lor proprie stato, mais appelle a discussiones inter le israelis e
palestinianos a extender le data ultra 4 maio.

Topicos tractate in le reporto include le stato de Jerusalem, bordos,
colonias, refugiatos e le creation de un Stato Independente Palestinian.

Sr. Colajanni appelle a controlo plus stricte del Commission super fundos
del UE - le fonte le plus grande de adjuta pro le territorios palestinian --
que ille dice ha essite misappropriate in le passato.

Autoritates religiose debe cooperar a cercar un stato internationalmente
recognite e permanente pro Jerusalem con administration multilateral del
locos sancte.

Expansion currente de colonias israeli es un violation seriose del
accordo de pace, dice le reporto que visualiza le resultatos del processo
currente essente le establimento de un Palestinia independente e le
recognition mundial del derecto de Israel a exister.
>>>>>
Traducite per Stan Mulaik