Il ha in omne linguas cosas que nos pote pensar es extremememte stupide. Il
non del toto debe esser de linguas auxiliar. Personalmente io detesta e
misprecia le facto que le parola svedese pro interlingua _e_ es
ortographiate _och_ malgrado le facto que quasi omnes lo pronuncia _o_.

In plus io volerea aperer un guerra contra le ben etymologic e
historicamente correcte maniera de scriber le sono _j_ in svedese per dj,
gj, hj, j e lj, justo proque iste placer del linguistas es un dolor spinal
(pro euphemismar) pro multe personas.

O le plus despectuose te toto: que on scribe _ck_ e non _kk_.

Ma, quando io adjuva mi infantes o alteres con le orthographia io non pote
introducer mi priprie ideas, solo proque _io_ pensa que illes es melior.

Le mesme cosa con interlingua: io proba varie cosas, ma io non insenia a
novicios _ego_ viste que le parola in interlingua es _io_.

Io ha ben probate usar iste parola, ma isto ha essite un proba - _e le
parola existe in le IED -.

Io senti que io ha un responsabilitate, e proba ager secundo illo.

Il va sin dicer que totes va facer secundo su idiosyncratias de illes,  sin
respecto a illo que io pensa. Isto es un lege del natura. Un poco de
pensamento in iste question non es nocive.

Quando on communica varie cosas il naturalmente occurre que on usa varie
formas que non es toto ortodoxe, ma io pensa que on debe pensar de tener un
lingua rationalmente standardisate quando on scribe pro introducer un
lingua.

Il existe un lista in le qual on pote usar cata possibile forma del
vocabulario international e cata possibile grammatica del mentionate
vocabulario international, tanto longemente quanto on es comprensibile. Il
ha plus de information in isto al sito _eGroups_. Ibi il ha listas pro
scriber occidental etc. Io recommenda ille lista al expermimentophilos.

Le academic methodo es de demonstrar cata possibile forma de un lingua. Si
tu insenia como a un traditional universitate svedese tu pote per
facilitate render mesmo _interlingua_ difficile!

Lassa nos esser rationabilemente univoc verso le novicios.

Novicemente




[log in to unmask]
Kjell Rehnstroem
Vaenortsgatan 87
S-752 64  UPPSALA
Svedia - Sweden