http://www.geocities.com/Athens/Olympus/2948/histpean.html

Illo es un nove sito de ligamines a documentos que io ha
collegite in le Tela re le Latino sine Flexione, alcun de
illos es de Interlinguistas famose, como Ric Berger, Prof.
Negalha, A. Gode, etc. Io sape que illes articulos son
disponibile in alteres sitos, mais io voleva reunir los
date lor thema in commun. Si vos visita le ligamine, per
favor dice me si vide alcun errores o altere problemas,
e si vos ha alcun altere suggestiones io lo appreciarea.
Io pensa que haber sitos ubi le historia del movimento
pro trovar un lingua auxiliar es multo importante in le
Tela Trans Terrestre, le situation es tal que il ha multo
sitos in Esperanto que presenta un version del developpa-
mento del linguas auxiliar multo Esperantista. Io crede
que nos alsi necessita un voce pro le altere interlinguistas
del passato, e io vermente crede que si le Car Doctor
e Professor Peano viveva nunc il esserea un del melior
proponentes del Interlingua de IALA. Forsan nos ha besonio
de altere presentationes como de Wahl, e Jespersen. Haber
sitos de referentia pro illes esserea un bon cosa pro le
Interlingua de IALA. Como poterea attestar le senior
Alhsted multos apprecia le valor del lingua bel international.

Que pensa vos? Le libro del senior Gopsill "International
Languages" es phenomenal in iste respecto, definitivemente
un libro pro recommendar a omne interessatos, io opina.

E vos? Que opina? Ha alcunos altere que alsi ama iste libro?
Per favor dice me si illo le interessava alsi a vos.

Gratias,
Jay B.


[log in to unmask]               [log in to unmask]
http://www.geocities.com/Athens/Olympus/2948/histpean.html
~~~~~~~~~~~~~~~~~~~~~                ~~~~~~~~~~~~~~~~~~~~~~