Subject: | |
From: | |
Reply To: | INTERLNG: Discussiones in Interlingua |
Date: | Wed, 30 Apr 1997 22:15:33 -0400 |
Content-Type: | text/plain |
Parts/Attachments: |
|
|
Sigmund,
Congratulationes super le pendente nuptias de vostre filia. Le
vita continua....
Hodie mi filio e su sposa portava lor filia, Mallory, a nostre casa
pro visitar su granmatre (mi sposa) durante que su matre (le sposa de
mi filio) laborava con mi filio in tonder le gazones. Ille es in retardo
post le morte de su amate can, e ille non ancora ha trovate un bon
assistante a adjutar le. Ante lor maritage mi filio e su sposa (alora
fidantiata) laborava conjunctemente in tonder le gazones del proprietates
mantenite per su patre, qui ha un affaire de administrar le proprietates
pro alteres, p.e. de appartamentos e condominios. Illes guadia de
laborar con le un le altere. Ora post parturir le baby le sposa de mi
filio vole le exercitio e alicun tempore a parte del baby. E isto da un
bon opportunitate pro granmatre a attacher se al baby. Mi sposa es
pensionate post laborar como un professor del infirmeras. Illa ha un
Ph.D. (doctoro del philosophia) in le fundationes de education (realmente
le psychologia educational) e su maestro de infirmera de Yale Universitate
e un maestro de education de infirmera de Columbia Universitate). Assi
illa es un super-educate baby-sitter. (Illa es plus intelligente que io.
Illa habeva le secunde le plus alte punctos del test de Analogias Miller
a Universitate Emory in le historia de lor servicio de tests. E illa es
un tresor de informationes trivial e remote, como haber vostre proprie
Infopedia a mano). E ora illa pote esser un granmatre e reciper le gaudio
de su granfilia. Io partiva del campo hodie ante mi tempore usual pro
adjutar la con le baby. :-).
Stan Mulaik
|
|
|