In le radio hodie matino io audiva un discussion inter un parlamentario
socialdemocrate e le representante del Agentia de information albanese in
Svedia qui manteneva que le mundo debe adjudar le refugiatos de Kosovo in
le territorios vicin a Kosovo e non in altere paises.

Io debe dicer que io vide multe rationalitate de isto, proviste que le
mundo vermente es preste juvar. Il debe esser multo plus efficace donar
moneta pro meliorar le infrastructura in Albania e Makedonia e asecurar que
le refugiatos es juvate in ille paises quam inviar illes per avion a varie
paises.

Pro exemplo: un albanese qui veni a Svedia debe apprender svedese, debe
vivir alicubi, debe haber un labor, si il ha un, e si non essera
subsidiate. Le infantes debe ir al schola e le juvenes debe haber education
professional.

Le statos age in un senso rationalmente ponente le refugiatos a Guantanamo,
sed plus rational debe esser juvar le refugiatos in le vicinitate.

Infelicemente nostre politicos non age assi rationalmente. Nos ha eligite
le false typo de personas, qui naturalmente pote administrar lo que existe
ma non pensar in nove directiones.

Imagina qual bontate un adjuta del specie del plan Marshall poterea facer a
Albania, Makedonia e in un futuro a Kosova e Serbia (al fin).

Si io era un persona de plus grande poter io proponerea un nove Nationes
Unite in le forma de un union plus democratic. In ille organisation on
studiarea le conflictos possibile e darea information al politicos
decidente a bon hora.

Nos debe in alcun senso poter utilisar le lectiones que nos ha apprendite
in le caso de Kosova, proque isto non es le ultime conflicto.

Es il necessariemente assi que cata pais debe consister de personas qui
parla le mesme lingua, qui ha le exactemente mesme aspecto exterior o qui
ha le mesme religion?

Si le responsa es -no! Un sequente demanda es: Esque Kosova non pote esser
un parte autonome de Serbia con le derectos de lingua e education
carantisate a omne le gruppos ethnic - in un senso rationabile?

Le communitate international vole que on invia le refugiatos a altere
paises. Sed on non solve le problema de Kosova, on crea un massa de nove
problemas. Que on naturalmente pote solver, ma an on non los solve plus
facilemente in Kosova e vicinitate?

E  Makedonia. Iste pais concludeva un accordo con Taiwan pro adjuta
finansiari e relationes diplomatic, le que resultava in que le Republica
popular de China dava veto al fortias militar pacific que le Nationes Unite
habeva stationate a Makedonia. Per consequente iste fortias es retrahite
del pais. Un parve parte remane proque on ha cambiate le finansiamento de
isto. Le detalios io non sape.

Es il possibile pro un organisation mundial como le nationes unite haber
membros tanto irresponsabile como certe paises membros?

Ecce la causa que io desira un altere organisation international.

Isto es alcun pensatas instructurate. Forsan illos pote inspirar alcun de vos.




[log in to unmask]
Kjell Rehnström
Vänortsgatan 87
752 64  UPPSALA
Tel. 018-50 22 35