-Original Message-
de: Kjell Rehnstrom <[log in to unmask]>
[...]
>Le governamento diceva que le decission de bombar Irak era _notabile_ (que
>in diplomatico significa que isto era un terribile mal cosa). Ma on
>supporta le cosa realmente.
>Politicamente
>Kjell Rehnstroem

Alcun pensamentos curre per mi conscientia
mental, [mais que illo pote esser alsi insconsciente
e que se filtra al realitate mental, in qualque maniera...}
Que va occurrer con le delegatos del UN que faceva
inspectiones in Irak? Le inspectores non vadeva a foras
del nation, nonne? Esque illos devenira "hostages"
sacrificial al manos de Saddam? E nunc que le cosa
es facte, que le bombas cade... como va le UN dicer
le a Saddam que illos continua a voler inspectar
qualque cosa? Nunc que le SUA e le Regno Unite
se manifesta como le inimico mortal de Saddam,
esque non unira isto al populo de Irak contra le
potentia Anglo-American? E plus quam illo esseva
usque nunc?

Io per mi opinion detesta le politica e le affaires
politic. Io detesta le guerra e le violentia que illo
presenta al conscientia human. Como pote nos
parlar de Derectos Human quando il ha un rege
al foro que ha usate gases nocive e criminalmente
a occidite su proprie nationales? Si on lasssa a
Saddam a continuar con le promotion de su agenda
e le escalation del armas nuclear, biologic e de gas,
nos sape conscientemente que ille usara su armas
bellicose contra su vicinos e forsan un altere vice
contra le personas de gruppos ethnic in su proprie
pais... como ille jam ha facite previemente.

Si on invia bombas contra un altere nation pro le
proposito de distraher le conscientia national American
del facto que su Chef in Commando poterea esser
"impeached" [lanceate a foras de su position presidential]
le crimine es plus grande jam que illo representa un
altere false excusa pro evitar le resultato de un peccadillo
obscen exposte al oculos de su populo constituente.

Alternativemente, le Senior Clinton, non habeva un altere
option que facer lo que ille ha facte, e Saddam ha in su
megalomaniacal maniera un sol position, denunciar al
Diabolo Anglo-American como ille lo exprime (expressa)
proque su populo suffre sub le conditiones create per le
sanctiones del UN. Il es como "marionettas" in le manos
de un fortia plus forte que le bombas cadente super
Bagdad. Un conscientia ultra-physic, un poter hyper-mental,
le qual ha controllo del chordones e face le caricaturas
danciar e danciar.

Ha nos un oration pro precar in favor del personas que
nunc geme e suspira al suffrer le oppressiones inhuman
in ambe partes, et in omne partes del globo ubi existe le
suffrimento e le theatro inique de marionettas politic.

Sic alcun pensamentos,
Jay B.