Allegra.

Le mechanismo de liberation de melatonin ab le cerebro es multe
interessante.
Le lumine attinge le cellulas ophtalmic in le fundo del retina e es
transformate a impulsos electric, lequales son postea portate in le
nervo prime al cerebromedietate contralateral.

Antea entrar le regio visual plure regios in le cerebro son connectite
e influate per le signalos, inter alia le corpus pineal(e) al base del
cerebro.
Hic on sape que le melatonin es producite in varie amontes.

Le variation del production es controllate per un hormono local,
noradrenalin, qual in su vice es controllate per le intensitate del
signalos del parve brancas ab le nervus ophtalmicus.

In detalio: lumine/undas _electromagnetic_ face un alteration o cambio
_chimic_ in le cellulas retinal, quales ignita un impulso
_electronic_, qual viage al vicinitate del glandula pineale, ubi le
signal face liberar noradrenalin, lequal impedi le synthese de
melatonin.

Quando liberate in le sanguine iste melatonin accesse
le centros pro vigilantia in le stirpo (trunco) cerebral.
Obviemente le melatonin supprime le centro de vigilitate (que
a proposito es responsibile pro le undas EEG plus o menos).

In theoria io non pote recommendar le consumption de melatonin
regularmente pro le mesmo ration que on animadverte le uso de
steroides anabolic--omne hormones es in un stato de equilibrio.

Prudentialmente,

Sig