d[000315] x[Allan Kiviaho] KivA-03Ea
s[Le Guerra Hibernal ha terminate. Finlandia superviveva]

Ave Interlinguanistas!

Le 1999-NOV-30 io inviava un message con le titulo
"Le stato de guerra declarate in Finlandia".

Tunc, ante 60 annos, le Union Sovietic attaccava
Finlandia. Sequeva un guerra de 105 dies, que es in
Finlandia appellate "Le Guerra Hibernal".

Le Guerra Hibernal terminava le 1940-MAR-13. Finlandia
habeva supervivite post un lucta contra un
superioritate colossal, al fin del guerra le armea
sovietic habeva concentrate 60 divisiones contra nos,
1 200 000 soldatos sovietic contra 300 000 finlandeses.

Le situation del armea finlandese era desperate.

Alicun novas del ultime dies del guerra:

---------------------------------------------
Le morte tragic de un pilota italian
1940-MAR-11 (duo dies ante le fin del guerra)
---------------------------------------------
Un voluntario italian, senior sergente Diego Manzochi,
qui serviva in le Escuadra 26 moriva in un atterrage
fortiate a Ii.
  Manzochi era retornante de un mission defensive del
direction de Viipuri (le secunde urbe de Finlandia --
Allan) quando ille decideva facer un atterrage
fortiate al glacia del laco de Ikola in Iitti. Su
aeroplano iva in verso e le nive fangose intrudeva in
le cabino suffocante le pilota.
  Manzochi habeva arrivate a Finlandia in decembro de
1939 apportante un avion de chassa del typo Fiat G.50.
Ille non retornava a casa sed se adjungeva como
voluntario al fortias aeree finlandese combattante
heroicamente con su Fiat contra le superioritate
colossal del armea aeree sovietic.
------------------------------------------------------
Allan:
  Finlandia obteneva 35 FIAT G.50 "FRECCIAs" de Italia
durante le Guerra Hibernal. Le Fiat's ganiava 88
victorias durante le ambe guerras 1939--44 contra le
Union Sovietic e solmente 3 Fiat's era perdite in
combatto.
  (Vide
http://www.geocities.com/~scottvanaken/kit_reviews/axis/hasg50.html
   http://www.jyu.fi/~mg/history/fafwwii.shtml
   http://www.sci.fi/~ambush/faf/fiat.html
   http://www.sci.fi/~fta/FAFhist.htm)

Duo septimanas ante le fin del guerra moriva un altere
voluntario estranieri, lieutenant Kristensen ex
Danmark. Le 1940-FEB-29 occurreva un battalia aeree
inter 15 aviones de chassa finlandese e 36 los
sovietic. Le armea aeree finlandese perdeva durante
un medietate del horas 7 aviones e alicun alteres era
rumpite. In plus de lt. Kristensen moriva un famose
pilota finlandese lieutenant Tatu Huhanantti e lt.
Halme. Tres pilotas feriva.

Salutante

Allan

P.S.

Io etiam so un pilota de Fiat - mi auto desde
octobre 1999 es Fiat Punto ...

Vivito Italia!