Salutes!

Como vos sape, io ha contactos con un banda de rock brasilian a fin de
registrar (in lor CD, o al minus como un archivo electronic de sono
pro nostre uso private) versiones de lor musicas in Interlingua.

Ecce (traducite) lo que se lege in lor pagina de notitias pro
augusto 1999 (http://biquini.com.br/noticias/37_Ago99.html):

     [Biquini in Interlingua?] - Per medio
     de un fan del banda, Biquini ha recipite
     un invitation curiose: registrar un musica
     in Interlingua, un lingua que se
     propone esser de facile assimilation mundial.
     Le contactos es facite e
     qualcunque notitia sera date hic per le
     sito! Pro saper plus super Interlingua,
     [vide iste sito].

E il ha un ligamine a http://www.interlingua.com.

Heri io ha completate un version cantabile in Interlingua de un de lor
musicas. Le titulo del version es "Tu parolas". Ecce le texto:

     TU PAROLAS
     Titulo original: AQUI DENTRO
     Autor: Biquíni Cavadão (Álvaro, Bruno, Coelho, Miguel, Sheik)
     Version in Interlingua: Ensjo

  1. Le passato non retorna
     Mi passato con te
     Ma ben que tu ora es distante
     Tu resta in me

     Ma ancora un cosa resta
     E que es importante tamben
     Toto que tu ha dicite
     Io tene multo ben

Ref. Tu parolas
 2x  Apporta via
     Mi nostalgia
     Me permitte levar le reguar{do
     E} sequer con mi vita

  2. Ma a vices me afflige
     Tu absentia real
     E malgrado mi effortios
     Non me pare esser natural

     Te vider solmente in iste photos
     Que ja non dice qualcosa
     Quando le ideas que ha restate
     Me dice multo plus

Ref. Tu parolas...

  3. Io debe te parlar
     Nihil res{ta an}co{ra e}qual
     Al instante eternal
     In que le tempore mesme
     Ha stoppa{te in} te

Ref. Tu parolas...

Fin. Tu parolas
 2x  Apporta via
     De mi corde
     Mi nostalgia

Inter parentheses {} se trova syllabas contigue que debe esser legite
como un sol syllaba.

Tu pote sonar un archivo MIDI (solmente instrumentos) de iste musica in
http://www.biquini.com.br/midi/aqui.mid

Io registrava mi voce cantante iste musica e lo inviava a Biquini
insimul con le texto, pro que le vocalista sape como pronunciar lo.

Io es in un grande expectativa!... :^) Si illes habera permission pro
registrar iste version in lor proxime CD... Isto essera un grande
promotion pro Interlingua in Brasil!

A revider, totes!
Ensjo.



---------------------------------------------------------------------
This message has been posted from Mail2Web (http://www.mail2web.com/)
Web Hosting for $9.95 per month! Visit: (http://www.yourhosting.com/)
---------------------------------------------------------------------