Jay scribeva
>Alsi io habeva contacto con un Bahai que veniva
>del Paraguay... Si, ille e su matre esseva Bahais,
>ma io non sape si ille esseva tante fidel a su fide
>proque imbibeva tanto como le altere sub-graduatos
>(under-graduates) in le universitate... Le facto que
>Jesus mesmo bibeva vino es ration bastante pro
>me pro pensar que le uso de bibitas alcoholic in
>moderation debe esser acceptabile in respecto
>a le credentias Christian... ma io sape que il es
>alsi un triste realitate que le uso de iste substantia
>pote esser abusate e pote causar multe suffrimento
>e dolor non solmente pro le imbibitor ma pro su
>familiares tamben. Le facto que alcunos de nos
>pote devenir addictos e alteres non ha necun
>problemas es comparabile in mi mente al facto
>que alcunos ha allergias a varie substantias e
>le consumo de illes substantias pote causar
>grande problemas... le ration al fundo se bassa
>in nostre imperfection.
>
>Ma regresante al thema del Bahais, io es multo
>impressionate con le exemplo de fide que illes
>demonstrava in le facie del persecution que illes
>suffreva in Iran e paises arabic. Un testimonio
>tamben del fortia del spirito human pro superviver
>le abusos inique de personas inhuman contra su
>proximo.

Cata persona debe naturalmente seder se alicubi e pensar. Si ille veni al
conclusion que il es troppo on pote facer alque pro cambiar isto, si toto
es in ordine on continua biber.

Io cognosce plure homines qui prende un periodo blanc pro controllar si le
alcohol es un problema o non. Isto pote esser bon.

In le mesme maniera que io veniva al conclusion que il non era bon pro me
fumar, e io finiva, io constatava que le biber non era bon pro me, per
consequente io proba minimalisar le biber.

Quanto al baha'i de Uruguay qui bibeva vino etc. il ha islamitas in le
Union Sovietic qui bibe satis multo.

Plure religiones ha prohibitiones de alcohol. Esque le mormons non es
contrari mesmo a caffe e the? Io me recorda un novella de un scriptor
islandese de un persona qui era mormon e qui habeva problemas con le fide
pro que illa tanto habeva nostalgia pro caffe! Io ha totalmente oblidate le
scriptor. Io non crede que era Laxnes.

Abstinentemente



[log in to unmask]
Kjell Rehnstroem
Vaenortsgatan 87
S-752 64  UPPSALA
Svedia - Sweden