Car amicos,
Hodie (jovedi) vespere un europarlamentario svedese,
Jonas Sjöstedt, visitava mi urbe Varberg,  situate sur le costa
occidental de Svedia, 80 km sud de Goteborg, pro un discurso
con le titulo "Rationes pro non associar nos con le Union Monetari
Europee".
Ille es, como le medietate del populo svedese contra UE e como
61 % contra le UME.

Ante su discurso io utilisava le occasion de
parlar con ille e informar le re Interlingua.
Mi prime question esseva, esque ille sape lo que es I-a.
"Si, io sape, nos ha recipite letteras concernente iste lingua."
(SSI distribueva un tal lettera immediatemente post Natal, a fin de
esser secur que le europarlamentarios lo recipeva quando in casa
e non in lor officios inter massas de messages).
Su prime question: "Esque il ha plus de personas qui parla Interlingua
que Esperanto?"    Io le explicava le differentia, le qual ille comprendeva
ben post haber vidite un texto comparative in le duo idiomas.

Le resultato del vespere es alora que il ha al minus ancora  uno in le
Parl.Europee qui es informate del qualitates de Interlingua.  Durante
su viage a Strasbourg/Brussel ille ha lectura plus interessante que
le documentos del eurobureaucrates: Panorama, duo informativos
e un minidictionario de un certe lingua...

Salutes amical
Ingvar

Ingvar Stenström,
Vegagatan 12, S-432 36 Varberg, Svedia
Tel. +46-/0/340-15053
<[log in to unmask]>
<[log in to unmask]> <[log in to unmask]>