Salutes!

Il es con hesitation io participa in iste discussion pro que io non vole
prolongar lo. Io opina que iste discussion es a confusar nostre nove
adherentes e non es specialmente utile. Io pertine al "traditionalistas"
qui pensa que orthographia in le dictionario IED es a recommandar a
causa etymologic. Il ha anque un altere aspecto psychologic: Plure de
nos ha un forte memoria visual. Quando nos lege textos nos recognosce le
parolas immediatemente como picturas fixe. Nos nunquam studia le singule
litteras in le parola. Le stenographia es basate sur iste phenomeno - e
io crede que Bertil Palmquist es de accordo con me como un stenographo
in le parlamento svedese. Si un parola non ha le pictura a lo que nos es
accostumate, le leger stoppa e nos senti irritate.

Io ha anque un exemplo del importantia del ethymologia in le linguas
danese e svedese. Le parola 'stella' es in danese 'stierna' e tote le
litteras in le parola es pronunciate. In svedese nos scribe le mesme
parola 'stjärna' ma pronuncia lo 'shärna' con le anglese 'sh'. Iste
discrepantia inter orthographia e pronunciation es naturalmente un
obstaculo pro infantes svedese e alteres qui apprende le scriber
svedese. Ma il ha anque un grande avantage: Le daneses pote leger textos
in svedese sin difficultate e nos svedeses danese. Io personalmente es
multo satisfacite que io pote leger danese e anque comprender danese
parlate, si le parlator parla distinctemente.

Amicalmente

Jan

--
Jan Armann
Fagelstigen 21; S-904 21 UMEA, Sverige (Sweden)
Tel & Fax +46 (0)90771525; e-mail:
[log in to unmask];
[log in to unmask];
[log in to unmask];
ICQ - UIN nr:785745;
http://www.algonet.se/~armann
http://www.interlingua.com