De su description de su casa, io forma le impression de un belle casa
in un belle milieu.  Ben que le strata super le qual es situate mi casa
es nominate "Vistawood Lane", il non ha multo de un vista, ben que le
vicinitate es bon con bon vicinos.  Totevia, mi casa ha a su bordo
posterior un fluvio parve, que normalmente es solmente profunde a 10 cm,
mais pote devenir circa 1.6 metros post un pluvio intense. Mais mi
casa es supra le fluvio circa 15 metros.

Mi casa non es tanto vetere como illo de Sigmund, habente solmente 21 annos.
Mais mi vicino diceva que le constructor faceva bancarupta ante finir le
casa. In veritate su banco discoperiva que ille ha fraudate lo per
poner un signo de acceptantia per le inspectores de un altere casa sub
construction, quando ille cercava un presto del banco.  Quando illes
apprendeva le ver factos, illes demandeva immediate retorno del presto,
e quando isto non esseva facite, sequestrava le casa.  Assi le casa esseva
complete per un altere constructor pro le banco, e io ora comprehende proque
certe cosas pare constructe superficialmente durante que alteros es ben
constructe. Fortunatemente le basicos esseva facite per le prime constructor,
e ille faceva lo ben.  Mais le muro posterior del basamento habeva necun
insulation altere que un facie de briccas, post que esseva alcun planca
contra le tempore.  Io opina que le R factor de insulation esseva solmente 5.
Post mi installation del insulation io opina que il es ora circa R15. Totevia
il ha fenestras que perde le calor.  Mais proque io usa mi basamento pro mi
officina, io vole un loco commode in le hiberno. (Nostre hibernos non es
normalmente multo frigide, ben que a vices, nos pote haber temperatures
tanto basse como -22 C in januario--fortunatemente sovente sin le nive).

Mais io ama facer cosas con mi manos como un diversion de mi normalmente
multo mental activitate como un professor.

Stan Mulaik