Content-Transfer-Encoding: |
8bit |
Sender: |
|
Subject: |
|
From: |
|
Date: |
Sun, 13 Feb 2000 18:21:12 +0200 |
Content-Type: |
text/plain; charset=iso-8859-1 |
MIME-Version: |
1.0 |
Reply-To: |
|
Parts/Attachments: |
|
|
d[000213] x[Allan Kiviaho] KivA-02Cc
s["Brita-Lisas knä är vårt"]
[log in to unmask]
Amicos!
"Brita-Lisas knä är vårt" era le titulo de un message
private ab Ingvar Stenström. Illo es in Interlingua
"Le genu de Brita-Lisa es nostre!".
Brita-Lisa, mi sposa, e io ha ridite colossalmente
quando nos videva iste texto.
Ingvar habeva prendite le phrase ex un slogan nordic
del tempore de Guerra Hibernal quando Finlandia
desperatemente luctava contra le superioritate fracas-
sante del armea sovietic: "Finlands sak är vår"
("Le cosa finlandese es nostre").
Si, io ha informate que mi sposa essera operate al su
genu. Io ha lo facite proque io timeva que il signifi-
carea un longe pausa con mi correspondentia a
INTERLNG. Sed le operation ha essite postponite al
2000-MAR-09 a causa de un epidemia de influenza in le
hospital e proque plure departimentos in le hospital
era temporanee claudite pro un "exhaustion" total de
personalia in le hospital. Io prende mi vacation
hibernal de un septimana durante le prime septimana
de convalescentia de mi sposa quando illa es incapace
a mover se del toto.
------------------------------
"Le cosa finlandese es nostre"
------------------------------
Svedia adjutava Finlandia durante le Guerra Hibernal
con (markkas finlandese)
1 470 000 000 pro material militar
500 000 000 collecte inter le population svedese pro
financiar le voluntarios svedese que
participava al guerra
------------------------------------------------------
1 970 000 000 markkas
Plus adjuta economic civil.
Le altere paises adjutava Finlandia con le sequente
amontas:
Italia (!) 790 000 000
Francia 600 000 000
Grande Britannia 500 000 000
Belgica (!) 500 000 000
Statos Unite 270 000 000
Hungaria 100 000 000
Norvegia 80 000 000
Danmark 70 000 000
Espania 55 000 000
Suissa 35 000 000
Germania 35 000 000 (*)
(*) Benque Germania era practicamente quasi in guerra
contra Finlandia a causa de pacto con le Union
Sovietic ("Le paragrapho secrete Ribbentrop-
Molotov"). Le nave de guerra german attaccava
le navigation finlandese in le Mar Baltic e con-
fiscava plure naves finlandese. Tanto Finlandia
habeva guerra (quasi) contra le duo plus potente
statos militar del mundo (Le Statos Unite non
ancora habeva mobilisate).
8000 voluntarios svedese e 700 norveges arrivava a
Finlandia. Le patre de Janne Årmann, plus tarde un
general, era uno de svedos que organisava le adjuta
militar pro Finlandia. Svedia prendeva 9000 infantes
finlandese.
Un historia super le Guerra Hibernal narra: "Il es
proprie de mentionar anque le unitate aeree svedese,
Flygflottilj 19, que rumpeva le absolute maestria del
aere de russos in le nord, salvava multe centros
habitate de attaccos aeree e impediva le fortias aeree
sovietic de aperir pro armea sovietic vias al west a
secar le vital connectiones terrestre a Svedia e
attaccar ab nord a dorso del armea finlandese in sud.
Le Flygflottilj 19 habeva solmente obsolete
chassatores regnounitese, "Gloster Gladiator", sed
illos era sufficiento efficiente proque le fortias
aeree sovietic non poteva inviar chassatores a
escortar su bombatores pro le vaste distancias in
Lapponia.
Gratias a voluntarios svedese de armea finlandese
poteva inviar quasi omne truppos ab Finlandia del
nord al sud pro le battalias decisive. In Petsamo,
note pro su ric minas de nickel, un compania finlan-
dese luctava contra un division sovietic, 180 soldatos
contra 17 000 de inimico ...! Naturalmente le general
Hiberno era un plus formidabile opponente pro le
russos quam iste micre pugnata de soldatos finlandese.
Le operation de genu ha al minus un facto positive:
Mi sposa ha promittite a studiar Interlingua durante
su longe periodo de convalescentia ...
Salutante
Allan
|
|
|