Car lectores, depost nunc anonyme, de INTERLNG,

Die e nocte le medios in Svedia nunc discute le lege de
publicar nomines - finalmente, poc dies ante que illo entra
in vigor!   Omnes sembla surprendite per le consequentias
pro un medio moderne como le Internet.  Le directiva del
UE esseva preparate in le annos septanta, acceptate per
le UE le 24 de octobre 1995 e hodie mesmo
alte functionarios e politicos dice que non essera possibile
controlar si illo es obedite.  Le television statal SVT decideva
supprimer su paginas de "chat", sed hodie retraheva le
decision!  Le ex-prime ministro Carl Bildt, leader del
partito conservative "Moderata samlingspartiet"
e ex-mediator del UE in Bosnia con Holbrooke,
ha denunciate al policia su proprie "letteras electronic
septimanal" pro haber un prejudicato.

Un presentation multo concise se trova sur le pagina
<http://www.pul.nu>  Clicca sur le bandiera de Grande
Britannia pro leger un summario in anglese.

Le protection del integritate de individuos es un del
bon intentiones del lege, sed le consequentias pro le
libertate del parola es catastrophic - providite que nos
svedeses, como es nostre habitude,  lo sequerea...

Si, Stan, le constitution svedese protege le libertate del
parola, sed "leges del UE ha prioritate ante le leges national"...

Bon nocte, amicos!  Le nocte sembla devenir multo obscur...
Amicalmente,
Ingvar

Ingvar Stenström,
Vegagatan 12, S-432 36 Varberg, Svedia
Tel. +46-/0/340-15053
ATTENTION: mi adresse electronic principal es cambiate!
<[log in to unmask]>
<[log in to unmask]> <[log in to unmask]>
<http://www.interlingua.com>