Le interlinguista.

Salute amicos,

le deber del interlinguista pratico es lo de realisar un selection e un
ordination del parolas jam international, con le objectivo de simplificar
le connexion del parolas in un lingua que serea totalmente evolvite.
Le interlinguista debe praticar un lingua que serea tanto le base del
grande campo del datos technico e le ration del existentia de iste datos
technico, como que serea lingua apte de servir omnes artes e omne
activitates human, etiam le plus commun e quotidian.
Iste libere traduction del introduction al "Interlingua-English, a
Dictionary of the International Language, Prepared by the Research Staff of
the International Auxiliary Language Association, under the Direction of
Alexander Gode, Ph.D.", F. Ungar P. Co. New York, 1951, me confirma que
interlingua non es gymnasio de recercas pedante, ma alsi es utilisation de
formas simple ut illos se impone in le communications international.
Diffunde Interlingua, lo que existe.
Io ha un passion pro mi dialecto de Treviso e mi lingua nationale, le
italiano, ma si io vole utilisar interlingua io debe approximar me a un
modo de exprimer nos ultra le barrieras. Tote le barrieras.
Etiam ultra le ambiguitates.

Amicalmente,

Mario Malaguti

mailto:[log in to unmask]
Informatica GI Srl
Strada Bibano, 9 - 31100 Treviso (Italy)
tel. (+39) 0422 420790 - fax (+39) 0422 420789
http://www.i-gi.com
http://www.telegrupigi.com
http://www.informaticagi.it

Le 5 de augusto del 1998.
Revisiones del texto, links al pagina:
http://www.telegrupigi.com/interlingua/19980805.htm
Le participation es sollicitate.